Amosi 6:8 - Tonga Bible 1986

⁸ Ambuya Chiuta wajirapiya iyo mweneko (atiti Ambuya, Chiuta wa maŵanja), “Ndichita unyakazi ndi kujikuzga kwaku Yakobe, ndi nditinkha malinga ghake; viyo ndiperekenge msumba ndi vyose vyo virimo!”

Amosi 6:8 ပူးပေါင်းရင်းမြစ်များ

Chiyambo 22:16

wanguti, “Ndajirapizga ndamwene, atiti Ambuya, chifukwa chakuti wachita ichi, ndipo ulivi kukaniliya mwana wako, mwanawako yumoza pe,

Sumu 106:40

Viyo Ambuya angukara ndi khamu lawo, angukwiyiskika nawo;

Sumu 47:4

Wakutisankhiya chihara chidu, kujikuzga kwaku Yakobe mweniyo watanja.

Sumu 50:12

“Asani ndenga ndi nja, kuti ndatinge ndikuneniyengecha; chifukwa charu ndi uzari wake vyose vyangu.

Sumu 78:59

Chiuta pakuchiwona ichi wangukalipa, viyo wanguŵapatiya limu ŵanthu ŵake;

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Yeremiya 12:8

Ŵanthu ŵangu ŵaŵa kwaku ine uli ndi nkharamu mu dambo, ŵatinditafuliya; chifukwa cho ndaŵatinkha.

Yeremiya 22:14

watiti, ‘Ndikajizengiyanga nyumba yikuru ya vipinda visani vya pachanya’; ndipo watiyilinganizgiya madangazi, watiyikhoma ndi masidara ndi kuyitozga ndi vyakuŵaraŵata.

Yeremiya 22:5

Kweni asani kuti mukaphwerenga mazu yagha cha, ndajirapiska, atiti Ambuya, kuti nyumba iyi yikaŵanga mapopa.

Yeremiya 44:26

Chifukwa cho vwani mazu gha Ambuya, imwe mose mwaku Yuda, imwe muja mu charu cha Egipiti: Ehe, ndarapiya pa zina langu likuru, atiti Ambuya, kuti zina langu likazumbulikanga so cha ndi mlomo wa munthu nanga njumoza mu Yuda mu charu chose cha Egipiti, kunena kuti, ‘Achiŵa amoyo Ambuya Chiuta.’

Yeremiya 49:13

Pakuti ndarapa paku ndamweni, atiti Ambuya, kuti Bozra wakaŵanga chakofya, wakunyozeka, phasulu, ndi thembo; ndipo mizi yake yose yikaŵanga mayiyi muyaya.”

Yeremiya 51:14

Ambuya ŵa maŵanja ajirapiya pa zina lawo: Kwakuneneska ndikakuzazaninga ndi ŵanthu, unandi nge ndi zombe, ndipo ŵakawawatanga pa kumuthereskani imwe.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Hoseya 11:6

Lipanga likaŵanga pa misumba yawo, kudumuwa mipiringizgu ya malikomo ghawo ndi kuŵamara mu malinga ghawo.

ŴaLevi 26:11

Ine ndikajanga mukati mwaku imwe, ndipo kuti ndikakutinkhaninga cha.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Amosi 3:10

“Kuti ŵaziŵa cha kuchita urunji,” atiti Ambuya, “wo ŵalonga vivurupi ndi kuphanga mu malinga ghawo.”

Amosi 3:11

Chifukwa ichi, atiti Ambuya Chiuta: “Kupindikana kukazingirizganga charu, ndipo kukasiskiyanga pasi nthazi yako, ndipo malinga ghako ghamuphangika.”

Amosi 4:2

Ambuya Chiuta warapa ndi utuŵa wake kuti, wonani, mazuŵa ghatuza, mwaku gho wamutuzgiyeningipo ndi chakukolowole, ndipo ŵakumariya ŵaku imwe ŵakatuzgikangapo ndi mbeja.

Amosi 5:21

“Nditinkha, ndiyeya madghera ghinu, ndipo kuti ndikondwa ndi maunganu ghinu ghakupaturika cha.

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Marangu 32:19

“Ambuya anguchiwona ndi anguvisuska chifukwa chakukaripiskika ndi ŵana ŵawo ŵanthurumi, ndi ŵana ŵawo ŵanthukazi.