Amosi 6:4 - Tonga Bible 1986

⁴ “Owe, kwaku wo ŵagona pa vita vya minyanga ya njovu, ndi kutambaruka pa vita vyawo, ndikurgha ŵana ŵa mberere ŵamu mskambu, ndi matholi gha mukati mu khola;

Amosi 6:4 ပူးပေါင်းရင်းမြစ်များ

Chiyambo 37:25

Sono ŵanguteka pasi ŵarghanga, ndipo ŵati ŵayunuska maso ŵanguwona mpingu wa ŵamaronda ŵa ŵaYishumaele ŵakuturiya ku Gileada pamoza ndi ŵagamila ŵawo ŵakupinga vyema, maziu, ndi muro ŵarutanga navyo ku Egipiti.

Estere 1:6

Ko kwenga saru zakupayikika zituŵa, za manimani ndi zakubiliŵira, zakumangika ndi vingwe vya thonje la bafuta, ndi viyera ku mphete za siliva ndi mizati ya mya, vita vyakugonapo vya golide ndi siliva pa mya yiyera, yakubiliŵira, yituŵa ndi yifipa.

Sumu 73:7

Mitima yawo yidiska mphurupuru, ndipo maghanaghano ghawo ngakuzaza ndi nthowa za uheni.

Yesaya 22:13

ndipo ehe, chimwemwe ndi kukondwa, kubaya ng'ombe, ndi kubaya mberere, kurgha nyama ndi kumwa vinyo. “Tiyeni tirghenge ndi kumwa, pakuti lamawa tikafwanga.”

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Yeremiya 16:8

Kuti ukaserenga mu nyumba ya dghera kuja nawo pamoza kwachirgha ndi kumwa cha.

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Ezekiele 23:41

unguja pa chitengo cha ulemu, gome linguyarika paurongo penipo iwe unguŵikapo vyakusunkhizga vyangu ndi mafuta ghangu.

Amosi 3:12

Viyo atiti Ambuya: “Nge ndimliska wapokeska vigha viŵi, pamwenga chipikita cha gutu kutuwa mu mlomo wa nkharamu, viyo ndimo ŵaYisraele wo ŵaja mu Samaria ŵamufwanthamukiya, ndi nyondo ya kachita ndi chita chikuru.”

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Luka 16:19

“Ndipo kwenga msambasi yumoza, yo wavwaranga vyakujeduka ndi bafuta wakuworofoka, wakukondwa zuŵa ndi zuŵa;

Yakobe 5:5

Mwaja mu charu mu maulakalaka ndi mu malikondwa mwatutuvyiya mitima yinu uli nkhu zuŵa la chibaya.