Amosi 5:6 - Tonga Bible 1986

⁶ Penjani Ambuya ndipo muŵenge ŵamoyo, vinu angakole nge ndi moto mu nyumba yaku Yosefe, ndiyinganyeka ndi pangaŵavi yumoza wamuzimwiyenge moto wo Betele.

Amosi 5:6 ပူးပေါင်းရင်းမြစ်များ

2 Samuele 19:20

Pakuti mteŵeti winu waziŵa kuti ndikwananga; mwa chifukwa ichi, awonani, ndaza pa zuŵa ili kuŵa wakwamba mu ŵanyumba yose yaku Yosefe, kuza kuzachikumana ndi mbuyangu karonga.”

1 ŴaKaronga 11:28

Yeroboamu wenga munthu wavinjeru, ndipo penipo Solomoni wanguwona kuti munyamata uyu wenga wakutakataka ukongwa wangumupaska mtufu wakutufuliya ŵanchitu ŵakuchichizgika ŵa nyumba yaku Yosefe.

2 Mikoka 34:25

Chifukwa ŵandijowo ine, ndi kocha vya chema ku ŵachiuta ŵanyake kundisosomoleine ku kandundu ndi nchitu zose zo maja ghawo, pa chifukwa ichi kandundu kangu kapungulikiyenge pa malo yagha ndipo kuti kazimwikenge cha.

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Sumu 69:33

Ambuya atuvwa ŵasauchi, ndipo kuti apata wo mbawo cha nanga ŵaŵe mu kumangika.

Chituwa 22:6

“Asani kwe lufya ndipo litachiko ku minga viyo kuti vyakurgha vyapa ndundu pamwenga vyakuma wima, pamwenga munda wafya, mweniyo wangukozga moto walipiyengepo vyose kwakufikapo.

Yesaya 1:31

Ndipo wanthazi wakaŵanga nge nchingwi cha wazi, nchitu yake yikaŵanga muthovu wa ŵaka, ndipo vyose viŵi vifyiyenge pamoza, ndipo paulengevi wakuvizimwa.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Yeremiya 38:20

Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Ezekiele 21:3

Ukambe kuti, Viyo atiti Ambuya: Awona, ndimikana nawe, ndikasoronga lipanga langu mu chibazi chake, ndipo ndikadumuwangamo mwako ŵarunji ndi ŵaheni viyo.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Ezekiele 37:19

Uŵanene kuti, Viyo atiti Ambuya Chiuta: Awonani, nde pafupi kuto ndodo yaku Yosefe (yo yemu janja laku Efraimu) ndi mafuku ghaku Yisraele pamoza nayo; ndipo ndibatikizganenge ndi ndodo yaku Yuda, kuti ziŵe ndodo yimoza, alinga kuti mu janja langu ziŵe ndodo yimoza.

Amosi 3:14

“kuti, pa zuŵa lenilo ndilangenge Yisraele chifukwa cha ulakwi wake, ndilangenge so majochero gha Betele, ndi masengwe gha majochero ghakadumulikanga, ndikuwa pasi.

Amosi 5:14

Penjani umampha, uheni cha, kuti muŵe ŵamoyo; viyo Ambuya Chiuta wa maŵanja, wakaŵanga namwe, nge ndimo mwakambiya.

Amosi 5:4

Chifukwa atiti Ambuya ku nyumba yaku Yisraele:

Amosi 6:6

wo ŵatumwa vinyo mu mbali, ndi kujitukutizga ndi mafuta ghamampha, kweni kuti ŵe ndi chitima cha ndi pharghaniku laku Yosefe!

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

Yoswa 18:5

Ŵakachigaŵanga vigaŵa vinkhonde ndi viŵi, Yuda wakajanga mu chigaŵa chake ku malaŵi, ndi nyumba yaku Yosefe mu chigaŵa chake ku nkhonde.