Amosi 5:4 - Tonga Bible 1986

⁴ Chifukwa atiti Ambuya ku nyumba yaku Yisraele:

Amosi 5:4 ပူးပေါင်းရင်းမြစ်များ

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 20:3

Ndipo Yehosafati wangutenthema wangujilongosole kupenja Ambuya wangumemeza kufunga kurgha mwaku Yuda yose.

2 Mikoka 20:4

Ndipo Yuda wanguwungana kupempha chovyu ku Ambuya; ŵangutuwa mu misumba yose yaku Yuda kuzachipenja Ambuya.

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

Sumu 14:2

Ambuya kuchanya alereska pa ŵana ŵa ŵanthu, kuwona vinu ŵangaŵapo ŵakuchita kwazeru, ŵakupenja Chiuta.

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Sumu 69:32

Sono ŵakukandirizgika ŵachioni ichi ndi ŵakondwe; mwaŵakupenja Chiuta, mitima yinu yisisipuskike.

Sumu 69:33

Ambuya atuvwa ŵasauchi, ndipo kuti apata wo mbawo cha nanga ŵaŵe mu kumangika.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yeremiya 38:20

Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Ezekiele 18:9

watenda mu virunguchizgu vyangu, ndipo ngwakuphwere ndi kusunga malangulu ghangu, ndi murunji, kwakuneneska wakaŵanga ndi umoyo, atiti Ambuya Chiuta.

Hoseya 10:12

Jipandiyeni urunji, vunani chipasi cha lisungu; swani mawongolomwa; chifukwa sono ndi nyengo yakupenje Ambuya, mwakuti ŵaze ndi kung'iska utaski paku imwe.

Amosi 5:6

Penjani Ambuya ndipo muŵenge ŵamoyo, vinu angakole nge ndi moto mu nyumba yaku Yosefe, ndiyinganyeka ndi pangaŵavi yumoza wamuzimwiyenge moto wo Betele.

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Mateyu 7:8

Chifukwa yose wakupempha waronde; wakulembe wasaniya; ndipo ku wakugong'oska kujurikiyenge iyo.

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

Marangu 32:47

Pakuti kuchita viyo kwaku imwe kuti ndi saza cha, kweni mbumoyo winu, ndipo viyo mukajanga ŵamoyo nyengo yitali mu charu cho muserengemo kuŵa chinu pa mwambuka Yordane.”

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.