Amosi 5:20 - Tonga Bible 1986

²⁰ Asi zuŵa la Ambuya ndi mdima, ndi kuti mbukweru cha, ndi la mfufu lambura chingana mbukweru?

Amosi 5:20 ပူးပေါင်းရင်းမြစ်များ

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Yesaya 8:22

ŵakalereskanga charu cha pasi, kweni ehe, suzgu ndi mdima, munkhorwe wa suzgu, ndipo ŵakapong'ekanga ku mdima uzitu.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Obadiya 1:15

Chifukwa zuŵa la Ambuya laŵandika pa mitundu yose. Nge ndimo wachitiya, viyo ndimo kuchitikiyenge kwako, nchitu zako ziwezgeke pa mutu wako.

Nahumu 1:8

Kweni ndi kusapatiya kwa zandi amalizgiyenge limu ŵakupindikana nawo, ndi kudikiskiya ŵarwani ŵawo ku mdima.

Zefaniya 1:15

Zuŵa lo ndi zuŵa la ukari, zuŵa la suzgu, ndi kukweŵeka mtima, zuŵa la phasulu ndi pharghaniko, zuŵa la mdima ndi la munkhorwe, zuŵa la mitambo ndi la mdima bi;

Mateyu 22:13

Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.

Chivumbuzi 16:10

Mungelo wachinkhonde wangupunguliya mbali yake pa chitengu-chaufumu cha chikoku cho; ndipo ufumu wake ungufipiskikabi! Viyo kuti ŵajemuwanga malilime ghawo chifukwa cha urwirwi,