Amosi 5:18 - Tonga Bible 1986

¹⁸ Owe; kwaku imwe mukhumba zuŵa la Ambuya! Chifukwa nchine mukhumba kuŵa ndi zuŵa la Ambuya? Ndi mdima, kuti mbukweru cha;

Amosi 5:18 ပူးပေါင်းရင်းမြစ်များ

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Yesaya 24:18

Mweniyo wathaŵa pakuvwa mazu gha chofyu wakawanga mu zenje lo, ndipo yo wakwera kutuwa mu zenje wakawilanga mu chiŵana. Pakuti mudangazi gha kuchanya ghajurika, viŵanja vyacharu chapasi vinjenjeme.

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Yesaya 5:30

Ŵakakoromanga paku yo mu zuŵa liya, uli nkhuuruma kwa nyanja. Asani yumoza walereskenge ku charu, awonani, mdima ndi suzgu; ndipo ukweru wafipiskika ndi mitambo yake.

Yesaya 58:2

Kweni ŵatindipenja zuŵa ndi zuŵa, ndipo ŵakondwere kuziŵa nthowa zangu, ulaka nge ndi mtundu wo uchita ukongorekwa wo ulivi kujowo malangulu ghaku Chiuta wawo; ŵatindipempha vyeruzgu vya kunyoroka ŵakondwa kundere kwaku Chiuta.

Yesaya 8:22

ŵakalereskanga charu cha pasi, kweni ehe, suzgu ndi mdima, munkhorwe wa suzgu, ndipo ŵakapong'ekanga ku mdima uzitu.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yeremiya 17:15

Ehe, ŵatiti kwaku ine, “Ghepani mazu gha Ambuya? Rekani ghazenge!”

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Ezekiele 12:22

“Mwana wa munthu, ndi nthanthi uli iyi yo wenayo yapa charu cha Yisraele, yakuti, ‘Mazuŵa gharutiliya ghata kunthazi, ndipo chiwona che chose chitondeka?’

Ezekiele 12:27

“Mwana wa munthu, awona, ŵa nyumba yaku Yisraele ŵatiti, ‘Chiwona cho wawona ncha mazuŵa ghanandi gha kunthazi, wachima vya zinyengo zo ze kutali.’

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Yoele 2:10

Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Obadiya 1:15

Chifukwa zuŵa la Ambuya laŵandika pa mitundu yose. Nge ndimo wachitiya, viyo ndimo kuchitikiyenge kwako, nchitu zako ziwezgeke pa mutu wako.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Marangu 32:24

ŵakanangikanga ndi nja, ndi kumarika ndi chifundizi cha kocha, ndi chideru chakubaya; ndipo ndikatumanga minyu gha vikoko paku iwo, ndi urwirwi wa vyakukwaŵa pasi.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.

2 Petro 3:4

“Le pani phanganu la uzi wake? Chifukwa, kwanda ku zuŵa lenilo ŵangulariya ŵaseku, vinthu vyose vichajaririya viyo pe kutuwa ku chiyambo cha ulengi.”