Amosi 5:16 - Tonga Bible 1986

¹⁶ Chifukwa ichi atiti Ambuya, Chiuta wa maŵanja, Ambuya: “Mu maluluwa mose mukaŵangachitenje; ndipo mu ŵagurwi wose ŵakatinge, ‘Owe! owe!’ Ŵakadananga ŵalimi kuzachiliya ndi kwazachiliya ndi wo mbakugozga mu chitenje,

Amosi 5:16 ပူးပေါင်းရင်းမြစ်များ

2 Mikoka 35:25

Yeremiya nayo wangumtenjere Josiya; ndipo ŵakumba wose ŵanthurumi ndi ŵanthukazi ŵamumbiyanga Josiya mukutenje kwawo mpaka kuno kule. Wanguchita chitenje nge ndi dangu mwaku Yisraele; wonani vikulembeka mu Buku la Chitenje.

Yesaya 15:8

Pakuti nkhuta yaruta kuzunguliya charu cha Moabu; kutenje kwafika ku Eglaimi, kutenje kwafika ku Berelimi.

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yeremiya 30:5

“Viyo atiti Ambuya: Tavwa kuliya kwa mantha, kwa chofyu, chimangu cha.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Yoele 1:11

Rengani soni mwa ŵalimi, tenjeni ŵalimi ŵa mphereska, chifukwa cha trigu ndi barile; chifukwa chivuna mu minda chanangika.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Yoele 1:8

Tenjeni nge ndi mwali wavwala chigudulu muchiunu chifukwa cha murumi wapa umwali wake.

Amosi 3:13

“Vwani, ndi simikizgani ndi nyumba yaku Yakobe,” atiti Ambuya Chiuta, Chiuta wa maŵanja,

Amosi 5:27

chifukwa ichi nkhamutoriyaninga ku uŵanda kujumpha Damasko,” atiti Ambuya mweniyo zina lake ndi Chiuta wa maŵanja.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Mika 1:8

Chifukwa ichi ndiliyenge ndikutenje; nkharutanga wakuzuwika ndi wankhuli, nkhatenjenga nge mbakambwe, ndi kuliya nge mbamanchichi.

Mika 2:4

Mu zuŵa liya ŵakambanga sumu yakunyoza imwe, ndi kubongo ndi chitenje chikuru, ndi kuti, “Tapasuka ukongwa; wasintha phandi la ŵanthu ŵangu; mo walituzgiyako kwaku ine! Ŵagaŵiya minda yidu kwaku wo ŵatiko.”

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.