Amosi 5:12 - Tonga Bible 1986

¹² Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Amosi 5:12 ပူးပေါင်းရင်းမြစ်များ

Jobu 20:19

Chifukwa waŵasuzga ndi kuŵajowo ŵakavu; waphanga nyumba yo kuti wanguzenga iyo cha.

Jobu 31:21

asani ndasoske janja langu pa mranda wambura awiske, chifukwa ndawona chovyo mu likomo,

Sumu 127:5

Ŵakukondwa ndi munthu yo mivwi nge ndi iyi wenayo yinandi! Kuti wakachitanga soni cha, po warongoro ndi ŵarwani ŵake mu likomo.

Chituwa 23:3

pamwenga kumurunjiskiya mrandu wa munthu musauchi.

Chituwa 23:6

“Mungatimbanizganga cha uneneska wo ngwa musauchi winu mu mrandu wake.

Nthanthi 17:8

Vinda yenge ndi mwa wa mayelamu maso ghaku mweniyo watiyipereka; kweniko kose watiya wasakata.

Nthanthi 22:22

Ungamubiyanga mukavu pakuti ndi mukavu, pamwenga kung'anya wakuyuzgika pa likomo;

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 10:2

kuŵanderezgako ŵasauchi ku cheruzgu chirunji ndi kuŵa kwamphuwa ŵakavu ŵa ŵanthu ŵangu vyakuŵenere, kuti vyoko viŵe vyakuskoŵa vyawo, ndi kuti ŵachite ŵana ŵamasiye nyama yawo!

Yesaya 29:21

ŵeniwo ndi mazu ŵachitiska munthu kuŵa wakwananga, kumuthya chiŵana mweniyo wasusuka mu likomo, ndipo ndi mpandira wa waka ŵapenevya yo ngwakurunjika.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Yesaya 5:23

wo ŵapozomoska ŵakulakwa chifukwa cha vinda, ndipo ŵatimuvinda wambura mlando, pa urunji wake!

Yesaya 66:18

“Pakuti ndiziŵa nchitu ndi maghanaghanu ghawo, ndipo ndituza kuzachiwunjika mitundu yose ndi malilime; ndipo ŵakazanga ndi ŵakawonanga unkhankhu wangu,

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Chitenje 3:34

Ambuya kuti azomerezga chakukandirizga pasi rundi, ŵamagoŵa ŵa charu chapasi,

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Hoseya 5:3

Ndimziŵa Efraimu, ndi Yisraele kuti ngwakubisika cha kwaku ine; pakuti sono iwe Efraimu, wachita ureŵi.

Amosi 2:16

Ndi yo ngwakukhwima mtima mukati mu vinkhara wamuthaŵa nkhuli mu zuŵa lo,” atiti Ambuya.

Amosi 2:3

nkhawiskanga mweruzgi mukati mwake, ndipo ndibayenge mafumu ghake ghose pamoza ndi iyo,” atiti Ambuya.

Amosi 5:10

Ŵatimutinkha yo wachenya mu likomo, ndi ŵanyanyara nayo yo wakamba uneneska.

Amosi 5:7

Imwe musanduska cheruzgu kuŵa cha kuŵaŵa, ndi kutaya pasi urunji!

Amosi 8:4

Vwani ichi, imwe mukandirizga ŵasauchi, ndi mumara ŵakavuŵamu charu,

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Machitidu gha Ŵakutumika 7:52

Nunju wa ŵamchimi auskemwe ŵengavi kumndondoloska? Ndi ŵanguŵabaya wo ŵangutauliya limu ndi kazidu ka Murunji yo; mweniyo sono imwe mwakombo ndi mwabaya.

Marangu 16:18

“Muŵike ŵeruzgi, ndi ŵarongozgi mu misumba yinu yose yo Ambuya Chiuta winu wakupaskani, kwakuyana ndi mafuku ghinu, iwo ŵakayeruzganga ŵanthu ndi cheruzgu chakurunjika.

Marangu 31:21

Ndipo penipo viheni vinandi ndi masuzgu vyaza paku wo, sumu iyi yikazanga paurongo pawo nge mbukaboni (pakuti yikaŵanga yambura kuruwika mu milomo ya mphapu zawo), pakuti ndiziŵa vifukwa vyenivyo ŵachita kwamba kale, ine ndenga ndindaŵatole mu charu cho ndingurapiya kuŵapaska.”

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Yakobe 5:6

Mwamsuska, mwambaya murunji; kuti wamikisana namwe cha.

Ruti 4:1

Ndipo Boazi wanguya ku likomo ndi wangja kwenikuwa, ndipo ehe, mbali mwenimweni yo wangukamba Boazi wanguza kwenikuwa. Viyo Boazi wanguti, “Patukiya kunu bwezi, ja pasi yapa.” Ndipo wangupatuka ndi wanguja pasi.

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.