Amosi 4:8 - Tonga Bible 1986

⁸ viyo misumba yiŵi pamwenga yitatu yinguja ku msumba umoza kwachimwa maji, kweni kuti yingukhorwa cha; ndipuuli kuti munguwere kwaku ine cha,” atiti Ambuya.

Amosi 4:8 ပူးပေါင်းရင်းမြစ်များ

1 ŴaKaronga 18:5

Ahabu wanguti kwaku Obadiya, “Ruta mu charu ku visima vyose vya maji ndi ku madambo ghose; vinu tingasaniya uteka ndi kutaska ŵakavalo ndi nyulu kuŵa vyamoyo, ndikuti vireke kutayikapo vinyama vinyake.”

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 3:7

Ndipo ndingughanaghana kuti, ‘Watakuti wachita viyo pavuli wakaweriyanga kwangu’, kweni kuti wanguwe cha; ndipo Yuda mwana munyake phula wanguchiwona.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 7:10

Kujikuzga kwaku Yisraele kuti musimikizga; ndipuuli kuti ŵawere kwa Ambuya Chiuta wawo cha, chingana nkhumupenja.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Mika 6:14

Mukarghanga, kweni mukagutanga cha; muŵenge ndi nja mukati mwinu; mukaŵikanga pade, kweni kuti mukasunganga cha, ndipo cho musunga ndichiperekenge ku lipanga.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.