Amosi 4:7 - Tonga Bible 1986

⁷ “Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Amosi 4:7 ပူးပေါင်းရင်းမြစ်များ

Chituwa 10:22

Viyo Mosese wangutambaruliya janja lake kuchanya ndipo kunguŵa mdima uzitu mu charu chose cha Egipiti mazuŵa ghatatu;

Chituwa 10:23

ŵengavi kuwonana yumoza ndi munyake nanga nkhuti yumoza wasokepo pa malo ghake kwa mazuŵa ghatatu; kweni ŵaYisraele wose ŵenga ndi ukweru mo ŵajanga.

Chituwa 8:22

Kweni mu zuwa lo ndikapatuskiyanga paku chija charu cha Gosheni, mwenimo muja ŵanthu ŵangu, muwulengevi milembwe ya nyezi muwa; alinga kuti uziŵe kuti Ndine Ambuya mukati mu charu chapasi.

Chituwa 9:26

Kweni mu charu cha Gosheni pe mo mwenga ŵaYisraele, mwengavi vuwa ya matalala.

Chituwa 9:4

Kweni Ambuya akachitanga mupambanu pakati pa ng'ombe za ŵaYisraele ndi ng'ombe za ŵaEgipiti, viyo kuti chikafwanga nanga nchimoza cha paku vyose vya ŵaYisraele.” ’ ”

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Yeremiya 14:4

Alimi ŵalengeskeka, ŵavunikiriya mitu yawo, chifukwa cha nyata yo yanangika pakuti kwaulavi vuwa pa charu.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

Zekariya 14:17

Ndipo asani ŵakaŵangapo ŵamu zimbumba zose zamu charu chapasi, wo ŵarekenge kukwere ku Yerusalemu kwachisopa karonga, Ambuya ŵa maŵanja: vuwa kuti ying'engepo cha paku wo.

Yohane 4:35

Asi mutiti imwe, ‘Kweche myezi yinayi, ndipo chituza chivuna’? Alereni, ndikuneniyani, yinuskani maso ghinu, ndipo thoŵani minda yo, pakuti yacha kali ku chivuna.

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

Marangu 11:17

kuti ukari wa Ambuya ukole kumikana namwe, ndi kujara machanya kuti vuwa yireke kung'a, sono charu chireke kupasa vipasi vyake, ndi kuti munganangika ruŵi mu charu chamampha cho Ambuya amupaskani.

Yakobe 5:17

Eliya wenga munthu wakusankhwa ngendifwe, ndipo wanguromba rombo lakuti kureke kung'apovuwa; ndipo kuti kungung'apo vuwa pa charu cha virimika vitatu ndi myezi yinkhonde ndi umoza.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.