Amosi 4:4 - Tonga Bible 1986

⁴ “Zani ku Betele, muzachilakwa; ndipo ku Gilgala, mwandaniske maulakwi; zani ndi sembe zinu, mlenji we wose, ndi vigaŵa vya chichumi paziŵa le lose la chitatu;

Amosi 4:4 ပူးပေါင်းရင်းမြစ်များ

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Ezekiele 20:39

“Kwaku imwe, nyumba yaku Yisraele, Ambuya Chiuta watiti, Rutani yumoza ndi yumoza waku imwe watakatakiye ŵangoza ŵake, sono ndi kunthazi viyo, asani mukarekanga kundivwiya; ipo lireke kukazuzgika zina langulituŵa ndi vyawanangwa vinu ndi ŵangoza ŵinu.

Hoseya 12:11

Asani mwe utimbanizi mu Gileada, nadi ŵaŵenge ŵaŵakaŵaka; asani mu Gilgala wapereka sembe ya zinkhuzi, majochero ghawo ghaŵenge nge ndi ndundu ya mya mu migandu ya munda.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Amosi 3:14

“kuti, pa zuŵa lenilo ndilangenge Yisraele chifukwa cha ulakwi wake, ndilangenge so majochero gha Betele, ndi masengwe gha majochero ghakadumulikanga, ndikuwa pasi.

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”

Mateyu 23:32

Zazani namwe mwesowa auskemwe.

Mateyu 26:45

Sono watuza ku wasambizi wo, ndipo waŵanene, “Kumbi mweche kura, ndi kujipumuzga? Onani, ora laŵandika, ndipo Mwana wa munthu wapachirika mu manja gha ŵakulakwa.

Marko 14:41

Ndipo watuza kachitatu, ndipo watiti, kwaku wo, “Kumbi mweche kura kuti mujipumuzge? Mbwenu sono, ora lo laza; Mwana wa munthu wapachirikiya mu manja gha ŵalakwi,

Marko 5:5

Nyengo zose, usiku ndi msana, mu masano ndi mumapiri wakamburanga, ndi kujicheka ndi mya.

Marangu 26:12

“Penipo mutakuti mwamara kulipa vya chichumi vinu vyose vyakusakata kwinu, mu chirimika cha chitatu cho nchirimika chakupereke vya chichumi, kuvipaska ku muLevi, mlendo, wamasiya, ndi choko, kuti ŵarghe ndi ŵaguti,