Amosi 4:2 - Tonga Bible 1986

² Ambuya Chiuta warapa ndi utuŵa wake kuti, wonani, mazuŵa ghatuza, mwaku gho wamutuzgiyeningipo ndi chakukolowole, ndipo ŵakumariya ŵaku imwe ŵakatuzgikangapo ndi mbeja.

Amosi 4:2 ပူးပေါင်းရင်းမြစ်များ

Sumu 89:35

Kamoza pe mbwenu ndarapiya pa zina langu lituŵa: Kuti ndikaruwanga Davidi cha!

Sumu 89:36

Mbeu yake yikajaririyanga muyaya, ndipo ndikasunganga ufumu wake po pose lumwi liŵaliya.

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yeremiya 16:16

“Ehe, ndikadananga ŵarovi ŵa somba ŵanandi, atiti Ambuya, ndipo ŵakaŵakonga; pavuli ndikadananga ŵachiŵinda ŵanandi, ndipo ŵakaŵasakanga mu phiri lose ndi mtunthu wose ndimumalijengwajengwa gha majarawi.

Ezekiele 29:4

Ndiŵikenge zimbeja mu vibwanyo vyako, ndikubatikiska somba zamu misinji yako mu mamba ghako; ndipo ndikakuzuwuwanga kukutuzga mukati mu misinji yako, pamoza ndi somba zose zamu misinji yako zo zabatika mu mamba ghako.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Ezekiele 38:4

ndikung'anamuliyenge kuvuli, ndikakoloŵekanga mbeja mu vibwanyo vyako, ndikuguzenge pamoza ndi nkhondo yako yose, ŵakavalo ndi ŵakukwerapo ŵawo, wose ŵakuwo mbakuvwara vya nkhondo, ndi mzinda ukuru, wose ŵendi vivekeru, nguru, ŵasoro malipanga;

Amosi 6:8

Ambuya Chiuta wajirapiya iyo mweneko (atiti Ambuya, Chiuta wa maŵanja), “Ndichita unyakazi ndi kujikuzga kwaku Yakobe, ndi nditinkha malinga ghake; viyo ndiperekenge msumba ndi vyose vyo virimo!”

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.