Amosi 4:11 - Tonga Bible 1986

¹¹ “Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Amosi 4:11 ပူးပေါင်းရင်းမြစ်များ

Yesaya 13:19

Ndipo Babiloni, yo mbunkhankhu wa maufumu, unozgi ndi kujikuzga kwa ŵaKaldiya, wakaŵanga nge ndi Sodomu ndi Gomora po Chiuta wanguyibwanganduwa.

Yesaya 7:4

ndipo ukati kwaku iyo, ‘Chenje, utaka cheti, ungopanga cha, ndipo mtima wako ungalakatuka cha chifukwa cha vipandu ivi viŵi vya moto, pa kukara kwakofya kwaku Rezini ndi Siriya, pamoza ndi mwana waku Remaliya.

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yeremiya 49:18

Uli ndimo Sodomu ndi Gomora ndi misumba yinyawo yakuŵandikana nayo yingupasukiya, atiti Ambuya, palivi munthu yo wakajangamo muwa, palivi munthu yo wendamugonamo.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 50:40

Uli ndimo Ambuya angubwanganduliya Sodomu ndi Gomora ndi mizi yakuzengezgana nayo, atiti Ambuya, viyo so paulengevi munthu yo wakajangamo muwa, ndipo palivi mwana wa munthu yo wendamugonamo mwake.

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Zekariya 3:2

Ndipo Ambuya anguti kwaku Satana, “Ambuya akuchenye iwe Satana! Ambuya wo asankha Yerusalemu akuchenye! Kumbi ndatinge ichi nchisindi chakubulika ku moto?”

ŴaRoma 9:29

Ndipo, nge ndimo Yesaya wangukambiya kali, “Kwambura kuti Mbuya wa Maŵanja watisiyiya mbeu, mphanyi taŵa nge ndi Sodomu, ndi talinganizgika ndi Gomora.”

1 ŴaKorinte 3:15

Asani nchitu ya munthu yochekenge, chikamuŵiyanga chitayiku: chingana iyo mweneko nadi wapozomoskekenge; kweni viyo nge ndimu moto porotu.

Marangu 28:24

Ambuya akachitanga vuwa ya charu chinu livuvu ndi fuvu kutuwa ku mtambo yikang'anga paku imwe mpaka penipo mwamalika.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

Yuda 1:23

ndipo ŵanyake ŵataskeni, pakuŵabuwa mu moto; ndipo ŵanyake ŵachitiyeni lisungu ndi wofi, muchitinkha munjirira wakukazuzgika ndi lisiru la liŵavu.

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;