Amosi 4:10 - Tonga Bible 1986

¹⁰ “Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Amosi 4:10 ပူးပေါင်းရင်းမြစ်များ

2 ŴaKaronga 10:32

Mu mazuŵa ghenigha Ambuya angwamba kudumuwa vigaŵa mwaku Yisraele. Hazaeli wanguŵathereska mu chigaŵa chose chaku Yisraele,

2 ŴaKaronga 13:3

Ndipo ukari wa Ambuya ungukore paku Yisraele, ndipo anguŵapereka kaŵi-kaŵi mu janja laku Hazaeli karonga waku Siriya ndi janja laku Benhadadi mwana waku Hazaeli.

2 ŴaKaronga 13:7

Pakuti kwengavi kusiyikako so kwaku Jehoyahazi liŵanja la nkhondo lakuruska wapakavalo machumi ghankhonde ndi magareta chumi ndi ŵakwenda pasi vikwi chumi, chifukwa karonga waSiriya wanguŵaphwanya ndi wanguŵachita uli ndi fuvu lapa mbuli.

2 ŴaKaronga 8:12

Hazaeli wanguti, “Chifukwa chine mbuyangu waliya?” Iyo wangwamuka, “Chifukwa ndiziŵa uheni wo mukachitiyanga ŵanthu ŵaku Yisraele, mukawochanga malinga ghawo, mukabayanga ŵanyamata ŵawo ndi lipanga, mukapikitanga tumanatumana malitema ghawo, ndipo mu katumbuwanga ŵanthukazi ŵawo ŵa nthumbo.”

Chituwa 10:27

Kweni Ambuya angunonopeska mtima waku Farao ndipo kuti wanguzomerezga cha kuti ŵarutenge.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chituwa 9:12

Kweni Ambuya angunonopeska mtima waku Farao ndipo kuti wanguŵategherezga cha, uli ndimo Ambuya angukambiya kwaku Mosese.

Chituwa 9:17

Imwe mweche kujikuzga pa ŵanthu ŵangu, ndipo mukana kuŵazomerezga kuruta.

Yesaya 34:3

Ŵakubayika ŵawo ŵakapong'ekanga kubwaro, ndipo kununkha kwa viŵanda vyawo kukakuwanga; mapiri ghakapopomanga ndi ndopa zawo.

Yesaya 50:11

Ehe, imwe mose mwakukozga moto, imwe mukozga visindi! Yendani mu ukweru wa moto winu, mu visindi vyo mwakozga! Ichi ndichu mukalondiyanga ku janja langu: mukagonanga pasi mu urwirwi.

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Yeremiya 11:22

Chifukwa cho atiti Ambuya ŵa maŵanja: “Ehe, ndikaŵalanganga: ŵanyamata ŵakafwanga ndi lipanga: ŵana ŵawo ŵanthurumi ndi ŵanthukazi ŵakafwanga ndi nja,

Yeremiya 15:3

“Ndikaŵamikiyanga mitundu yinayi yaŵakuphwanya, atiti Ambuya: lipanga kwachibaya, ŵagaru kuparuwa, viyuni vya mude ndi vikoko vya pacharu chapasi kuparuwa ndi kuparang'a.

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Yeremiya 48:15

Wakuparghang'a Moabu ndi misumba yake waza, ndipo ŵanyamata ŵake ŵakutowa ŵasikiya kukubayika, watiti Karonga, yo zina lake ndi Ambuya ŵa maŵanja.

Yeremiya 49:26

Chifukwa cho ŵanyamata ŵake ŵakawiyanga mu maluluwa ghake ndipo ŵankhondo ŵake wose ŵakaphwanyikanga mu zuŵa leniliya, atiti Ambuya ŵa maŵanja.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 6:11

Chifukwa cho ndazazika ndi ukari wa Ambuya; ndavuka kuja nawo chisisi. “Upunguliyeni pa ŵana mu museu, ndi pa maungano gha ŵanyamata; murumi ndi muwoli wose ŵaŵi ŵakatolekanga, madoda ndi khongwe ilo.

Yeremiya 9:22

Rongoro, “Viyo atiti Ambuya: ‘Viŵanda vya ŵanthurumi vikawanga uli ndi vundira mu munda wapakweru, nge ndi nchinda pavuli pa wakuvuna, ndipo paulengevi yumoza wakuviyora.’ ”

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Yoele 2:20

“Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

ŴaLevi 26:16

Ndikakuchitiyaninga ichi: Nkhatumanga paku imwe chofyo, nthenda ya liwondi-wondi, ndi yakumbwambwanthiya, ndi chideru cha kujara maso mwakuti umoyo ureke kukhumbikwa. Ndipo mukaseŵanga waka mbutu zinu, ŵarwani ŵinu ndiwo ŵakazirghanga.

ŴaLevi 26:25

Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Amosi 8:3

Sumu za mu Kasopi zisandukenge chitenje mu zuŵa lo,” atiti Ambuya Chiuta; “viŵanda vyamukuŵa vinandi; mu malo ghose; vitayikenge kwa chisisi.”

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Marangu 28:21

Ambuya akatumanga nthenda ya chidelu kujaliriya paku imwe mpaka penipo amumarani mose mu charu chenicho museremo kuchironda kuŵa chinu.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:60

Ndipo akatoliyanga so paku imwe nthenda zose za mu Egipiti ziya mwawopanga, ndipo zikamukaniriyaninga.

Marangu 7:15

Ndipo Ambuya atuzgengeko utenda wose kwaku imwe, ndi kuti aŵikenge paku imwe cha zinthenda za vyanusi zamu Egipiti zo muziŵa, kweni akaziŵikanga paku wose wo ŵatimutinkhani.