Amosi 3:8 - Tonga Bible 1986

⁸ Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Amosi 3:8 ပူးပေါင်းရင်းမြစ်များ

Yesaya 21:10

Owe vyakukhwema vyangu ndi vyakupepeta vyake, cho ndavwa ku Ambuya ŵa maŵanja. Chiuta waku Yisraele, nditikutauliya.

Yesaya 31:4

Pakuti viyo ndimu Ambuya angundinene, Nge ndimo nkharamu pamwenga nkharamu ya mpupuka yikorome pa nyama yake, ndi penipo mpingu wa ŵaliska wadanikiyako kulimbana nayo kuti yitofyerwa ndi kukambura kwawo cha pamwenga kuthaŵa chifukwa cha chiwawa chawo, viyo Ambuya ŵa maŵanja akasikanga kuzachirwa pa phiri Zioni ndi pa kamtunthu kake.

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Yeremiya 26:12

Yeremiya wangukamba ku ŵaraŵara ndi ŵanthu wose wakuti, “Ambuya angundituma kuchimiya pa nyumba iyi ndi msumba uwu mazu ghose gho mwavwa.

Ezekiele 29:21

“Pa zuŵa leniliya nkhaŵikanga mazaza ghatumphuke mu fuku laku Yisraele, ndipo ndikajuranga milomo yako mukati mwawo. Penipo ndipo ŵakaziŵanga kuti ine ndine Ambuya.”

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Amosi 2:12

“Kweni ŵaNaziri munguŵamweska vinyo; ndi mungulanguliya ŵamchimu kuti, ‘Mungachimanga cha.’

Amosi 3:4

Kumbi nkharamu yingabangula mudondo, asani yilivi nyama? Kumbi mwana wa nkharamu wabangula ku mphanji yake asani walivi kurgha kanthu?

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

Machitidu gha Ŵakutumika 5:20

“Kaninga; ndipo mani mu kasopi mo, ndi kambani ku khamu manenedu ghose gha Umoyo uwu.”

Machitidu gha Ŵakutumika 5:29

Kweni Petro ndi ŵakutumika ŵangwamuka, ndipo ŵanguti, “Kutenere kuvwiya Chiuta kwakuruska munthu.

1 ŴaKorinte 9:16

Chifukwa chingana nditaula evangeli, kuti ndiwo utindipaska nthowa yakujikuzgiya cha. Pakuti nditutuzgika mtima. Owe soka ine, asani ndireka kutaula evangeli.

Chivumbuzi 5:5

ndipo yumoza wamu ŵara wo wangunena nane, “Ungaliyanga cha: awona, Nkharamu yo yamu fuku laku Yuda, nkhorozu yaku Davidi yo yapunda ndiyo yiziŵa kubanuwa buku lakuzinga ndi vizighiri vyake vinkhonde ndi viŵi.”