Amosi 3:6 - Tonga Bible 1986

⁶ Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Amosi 3:6 ပူးပေါင်းရင်းမြစ်များ

Chiyambo 50:20

Nge nkhwaku imwe, khumbu linu lenga lakundichitiya uheni ine, kweni Chiuta wangung'anamuwa umampha, kuti ichi chichitike alinga ŵanandi ŵasungike ŵamoyo, nge ndimo ŵalili msana wale.

2 ŴaKaronga 6:33

Ndipo penipo weche kurongoro nawo, karonga wanguza ndi wanguti, “Suzgu iyi njakutuliya ku Ambuya! Kafukwa nkhane kakuti ndilindizgenge mbwenu ku Ambuya?”

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 4:5

Kambani mwaku Yuda ndipo memezani mu Yerusalemu, ndi muti, “Mbani mbata kuporota mu charu; kamburani, munene kuti, ‘Wunganani, ndipo tiyeni tirute ku mizi ya malinga!’

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Ezekiele 33:3

ndipo asani wawona lipanga lituza pa charu, watumba mbata ndi kuŵacheŵeska ŵanthu;

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Amosi 3:5

Kumbi chiyuni chingawira muchiŵana cha pasi kwambura mtazi wakuchithyiya? Kumbi mtazi ungandindimiya kutuwa pa chiŵana, asani ulivi konja kanthu?

Zefaniya 1:16

zuŵa la chiwawa cha mbata ndi nkhondo yakulimbana ndi misumba ya malinga, ndi vigongwe vitali.

Zekariya 8:10

Chifukwa ghandafike mazuŵa gha kwengavi mphoto ku munthu pamwenga mphoto yose ku chakuŵeta, pamwenga wakutaskika ku murwani kwaku yo wangutuwa pamwenga wangusere; chifukwa ndinguŵika munthu yose kulimbana ndi mwanase wake.

Machitidu gha Ŵakutumika 2:23

mwenuyu Yesu, wati wakomboleke mu khumbu lakutemeka ndi mziŵirulimu waku Chiuta, mungumpayika ndi manja gha ŵachikana marangu, ndimungubaya.

Machitidu gha Ŵakutumika 4:28

kwachichitiya vyo vyose janja linu ndi khumbu linu linguteme limu kuŵapo.

2 ŴaKorinte 5:11

Viyo pakuziŵa wofi wa Ambuya tichichizga ŵanthu, kwani ifwe mo tiliri tawoneka kwaku Chiuta; ndipo ndigomekezga kuti tawoneka mu njuŵi zinu so.