Amosi 3:10 - Tonga Bible 1986

¹⁰ “Kuti ŵaziŵa cha kuchita urunji,” atiti Ambuya, “wo ŵalonga vivurupi ndi kuphanga mu malinga ghawo.”

Amosi 3:10 ပူးပေါင်းရင်းမြစ်များ

Jobu 20:21

Kwengavi kanthu kukujako pavuli wanguti wargha; chifukwa ichi usambasi wake kuti ukajaririyanga cha.

Sumu 14:4

Kumbi wareka kuziŵa, wose ŵakuchita utimbanizi wo ŵaturgha ŵanthu ŵangu ulaka nge ndimo ŵarghiya chiŵande, ndipo kuti ŵadana ku Ambuya cha?

Nthanthi 1:13

tikasaniyanga chuma chose cha mutengo ukuru, tikazazanga nyumba zidu ndi vyakuskoŵa;

Nthanthi 11:16

Munthukazi wa wezi waronde ulemu, ndi ŵanthu ŵandeu ŵasaniya uromba.

Nthanthi 28:5

Ŵanthu ŵaheni kuti ŵawamo cheruzgu chirunji cha, kweni ŵeniwo ŵapenja Ambuya ŵawamo kwakufikapo.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 5:4

Viyo ine ndinguti, “Yaŵa mbakusauka, ŵalivi chinjeru; pakuti kuti ŵaziŵa cha nthowa ya Ambuya, dangu laku Chiuta wawo.

Ezekiele 18:7

kuti wakandirizgiya pasi nanga njumoza cha, kweni wawezga ngongori kwaku yo wangutewuwako, kuti ngwakuphanga cha, wakupaska kurgha ku wanja, ndi kuvwarika wankhuli,

Ezekiele 22:29

Ŵanthu ŵa charu ŵachita vya nkhaza ndi kuphanga; ŵakandirizga mukavu ndi wakusauka, ŵakwamphuwa vya mlendo kwambura kumuchitiya lisungu.

Ezekiele 8:17

Penipo wangurongoro nane, “Kumbi wachiwona ichi. A! Mwana wa munthu? Kumbi nchinthu chipusu ku ŵa nyumba yaku Yuda kuti ŵachiti maunyakazi nge ndi yagha ŵachita pano, kuti ŵazaze charu ndi nkhaza, ndi kundisosomole ku ukari swi? Awona, ŵaŵika mphanda ku mphunu zawo.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Amosi 5:7

Imwe musanduska cheruzgu kuŵa cha kuŵaŵa, ndi kutaya pasi urunji!

Amosi 6:12

Kumbi ŵakavalo ŵachimbiya pa majarawi? Kumbi munthu wangaziŵa kulima nyanja ndi mithenu? Kweni mwasanduska cheruzgu kuŵa ndulu ndi vipasi vya urunji kuŵa vyakuŵaŵa

Amosi 6:3

owe imwe muŵika kutali zuŵa liheni, ndi kunderezge kufupi chitengo cha nkhaza?

Amosi 6:8

Ambuya Chiuta wajirapiya iyo mweneko (atiti Ambuya, Chiuta wa maŵanja), “Ndichita unyakazi ndi kujikuzga kwaku Yakobe, ndi nditinkha malinga ghake; viyo ndiperekenge msumba ndi vyose vyo virimo!”

Mika 6:10

Kumbi ndingaruwa usambasi wa uheni mu nyumba ya muheni, ndi thumba la vyakupimiya vyakupusika yo ngwakutembeka?

Zefaniya 1:9

Mu zuŵa lo ndirangenge yose yo wajumpha pa khomo, ndi wo ŵazaza nyumba ya mbuyawo ndi nkhaza ndi utesi.”

2 Petro 3:5

Chifukwa ŵaruwiya dara chenichi, chakuti ndi mazu ghaku Chiuta machanya ghanguŵako ku mwaka, ndi mtunda ungutuwa ku maji,