Amosi 2:4 - Tonga Bible 1986

⁴ Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

Amosi 2:4 ပူးပေါင်းရင်းမြစ်များ

2 ŴaKaronga 17:19

Yuda nayo kuti wangusunga marangu gha Ambuya Chiuta wake cha, kweni wangwenda mu malusu ghenigho Yisraele wangwata.

2 Mikoka 25:14

Amaziya wanguti weweko kukubaya ŵaEdomu wanguza ndi ŵachiuta ŵa ŵanthu ŵaku Seiri, ndi wanguŵamika kuŵa ŵachiuta ŵake, ndi wanguŵasopa, wakupereka mpasku kwaku wo.

2 Mikoka 30:7

Mureke kuŵa nge mbauskemwe ndi ŵabali ŵinu, wo ŵanguŵa ŵambura chigomezgu mu Ambuya, Chiuta wa auskeu, viyo kuti wanguŵapasuwa, nge ndimo muwone.

Nehemiya 1:7

Tachita kwakuwo ukongwa paku imwe, ndipo kuti tisunga marangu cha, nanga ndi malangulu ndi vyeruzgu vyo mungulanguliya Mosese mteŵeti winu.

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

Yeremiya 17:27

Kweni asani mukarekanga kundivwa ndi kureka lamulu lakuti zuŵa la sabata liŵe lakupaturika, ndi kupinga katundu kusere pa malikomo gha Yerusalemu pa zuŵa la sabata; po ndipo ndikakozganga moto mu malikomo ghake, zikafyanga nyumba za ufumu za Yerusalemu ndipo kuti ukazimwikanga cha.’ ”

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yeremiya 8:9

Ŵanthu ŵazeru ŵakalengeskekanga, ŵakatenthemanga ndi kutoreka; ehe, ŵakana mazu gha Ambuya, na ndi zeru uli ze mwawo?

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.

Ezekiele 20:16

chifukwa ŵangutinkha malangulu ghangu ndipo kuti ŵangwenda mu virunguchizgu vyangu cha, ŵangukazuzga masabata ghangu; pakuti mitima yawo yingurazga ku ŵangoza ŵawo.

Ezekiele 20:18

“Ndingukamba ku ŵana ŵawo mu bozwa, Rekani kwenda mu virunguchizgu vya auskemwe, nanga nkhusunga malangulu ghawo, pamwenga kujikazuzga ndi ŵangoza ŵawo.

Ezekiele 20:24

chifukwa kuti ŵangusunga malangulu ghangu cha, kweni ŵangukana virunguchizgu vyangu ndi kukazuzga masabata ghangu, ndipo maso ghawo ghenga pa ŵangoza ŵa auskeu.

Ezekiele 20:30

Chifukwa cho kamba ku nyumba yaku Yisraele, viyo atiti Ambuya Chiuta: Kumbi mukajikazuzganga kwakuyana ndi malusu gha auskemwe pakurondo maunyakazi ghawo?

Ezekiele 22:28

Ŵamchimi ŵake ŵaŵapaka iwo ndi utotu utuŵa, ŵati ŵawone viwona vya kupusika ndi kuŵawombeze mawula gha utesi, ŵatiti, ‘Viyo atiti Ambuya Chiuta,’ penipo Ambuya kuti arongoro kanthu cha.

Ezekiele 22:8

Wayuyuwa vinthu vyangu vituŵa, ndikufipiska masabata ghangu.

Hoseya 12:2

Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Hoseya 12:3

Mu nthumbu wanguko chitende cha mbali wake; ndipo wanguti waŵa mura wangulimbana ndi Chiuta.

Hoseya 6:11

Ndipo so nawe Yuda vuna wakunozgeke. Po ndiwezga umampha wa ŵanthu ŵangu,

Amosi 1:3

Viyo atiti Ambuya: “Chifukwa cha maulakwi ghatatu ghaku Damasko, ndi wachinayi, kuti ndiwezgenge kulangika kwake cha; chifukwa wangukwechuwa Gileada ndi malikwechu gha chisulu.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Habakuku 2:18

Kumbi chikozgo chakusema chitanduwa chine pa wachichita wakusema, chikozgo chakusongono, musambizgi wa mautesi? Chifukwa wakupanga wagomekezga mwaku cho wachipanga, penipo wapanga ŵangoza ŵambuwu!

ŴaRoma 1:25

mwakuti iwo ŵangusinthiskana uneneska waku Chiuta ndi chautesi, ndipo ŵangusopa ndi ŵanguteŵete chakulengeka kwakuruska Mlengi yo, mweniyo ngwakutumbikika muyaya. Ameni.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.