Amosi 2:1 - Tonga Bible 1986

¹ Viyo atiti Ambuya: “Chifukwa cha maulakwi ghatatu ghaku Moabu, ndi wachinayi, kuti ndiwezgenge kulangika kwake cha, chifukwa wanguwocha viwanga vya karonga waku Edomu kuti viŵi utoto.

Amosi 2:1 ပူးပေါင်းရင်းမြစ်များ

2 ŴaKaronga 3:9

Viyo karonga wa ŵaYisraele wanguruta ndi karonga waku Yuda ndi karonga wa Edomu. Ndipo ŵanguti ŵenda kwakuzgombazgomba mazuŵa ghankhonde ndi ghaŵi, pengavi maji ghakumwa vinyama vyakuŵarondo.

Nthanthi 15:3

Maso gha Ambuya ghemu malo ghose, ghalereska ŵaheni ndiŵamampha.

Yesaya 11:14

Kweni ŵakakhumukiyanga pa phewa la ŵaFilisti kuchiri ku zambwe, ndipo wose pamoza ŵazamuskoŵa ŵanthu ŵaku vuma. Wazamutambaruliya janja lawo paku Edomu ndi Moabu, ŵina Amoni ŵakaŵavwiyanga.

Yesaya 16:6

Tavwa gha kujikuzga kwaku Moabu, mwenimo wangujikuzgiya; kujikwezga kwake, kujikuzga kwake, ndi mtafu wake kujithamiya kwake nkhwa utesi.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Yeremiya 25:21

Edomu, Moabu ndi ŵana ŵaku Amoni;

Amosi 1:11

Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Amosi 1:13

Viyo atiti Ambuya: “Chifukwa cha maulakwi ghatatu gha Amoni, ndi wachinayi, kuti ndiwezgenge kulangika kwawo cha; chifukwa ŵangupanguwa ŵanthukazi ŵanthumbu ŵaku Gileada mwakuti ŵakuzgi mphaka yawo.

Amosi 1:3

Viyo atiti Ambuya: “Chifukwa cha maulakwi ghatatu ghaku Damasko, ndi wachinayi, kuti ndiwezgenge kulangika kwake cha; chifukwa wangukwechuwa Gileada ndi malikwechu gha chisulu.

Amosi 1:6

Viyo atiti Ambuya: “Chifukwa cha maulakwi ghatatu gha Gaza, ndi wachinayi, kuti ndiwezgenge chilangu cha; chifukwa wangutole ŵanthu wose ku umkoli kuŵapereka ku Edomu.

Amosi 1:9

Viyo atiti Ambuya: “Chifukwa cha maulakwi ghatatu gha Turo, ndi wachinanyi, kuti ndi wezgenge kulangika kwake cha; chifukwa wangupereka ŵanthu wose ku Edomu: ndi kuti wangukumbuka phanganu la ubali cha.

Amosi 2:4

Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

Amosi 2:6

Viyo atiti Ambuya: “Chifukwa cha maulakwi ghatatu ghaku Yisraele, ndi wachinayi, kuti ndiwezgenge kulangika kwake cha; chifukwa waguliska murunji ndi siliva, ndi mkavu ndi skapatu ziŵi.

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”