Amosi 1:7 - Tonga Bible 1986

⁷ Viyo nditumenge moto pa linga la Gaza, ndipo wamukocha malinga ghake.

Amosi 1:7 ပူးပေါင်းရင်းမြစ်များ

2 ŴaKaronga 18:8

Wangukoso ŵaFilisti mpaka ku Gaza ndi charu chake, kwamba ku chitanthali kufika ku msumba wa linga.

2 Mikoka 26:6

Wanguruta ndi kurwa nkhondo ndi ŵaFilisti ndi wangubwanganduwa linga la Gati ndi linga la Yabine, ndi linga la Ashidodi ndi kunyake mu ŵaFilisti.

Yeremiya 47:1

Mazu gha Ambuya ghanguza kwaku Yeremiya mchimi ghapa ŵaFilisti, Farao wenga wandakoso Gaza.

Yeremiya 47:5

Phala laza paku Gaza, Ashikeloni wamara. Mwaŵakusiyikamo ŵa Anakimu mwe, mpaka zuŵanji mukajitemanga?

Ezekiele 30:8

Sono ndipo ŵakaziŵanga kuti ndine Ambuya, asani ndapemba moto pa Egipiti, ndikuti wose ŵakumovya ŵabwanganduka.

Ezekiele 39:6

Ndikatumanga moto paku Magogi ndi paku wo ŵaja kwakufwasa mu malikumba gha nyanja, ndipo ŵakaziŵanga kuti ine ndine Ambuya.

Amosi 1:4

Viyo nditumenge moto pa nyumba yaku Hazaeli, ndipo wamukocha malinga ghaku Benihadada.

Amosi 1:6

Viyo atiti Ambuya: “Chifukwa cha maulakwi ghatatu gha Gaza, ndi wachinayi, kuti ndiwezgenge chilangu cha; chifukwa wangutole ŵanthu wose ku umkoli kuŵapereka ku Edomu.

Amosi 1:8

Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Zefaniya 2:4

Chifukwa Gaza wasandukenge mahame, ndi Ashikeloni wakapasukanga. Ŵanthu ŵaku Ashidodi ŵakatuzgikanga ndi msana, ndi Ekroni wasapulikenge.

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.