Amosi 1:14 - Tonga Bible 1986

¹⁴ Viyo ndipembenge moto mu linga la Raba ndi ukawochanga malinga ghake, ndikamphomezi mu zuŵa la nkhondo; ndi chimphupuru mu zuŵa la kanthenga;

Amosi 1:14 ပူးပေါင်းရင်းမြစ်များ

2 Samuele 11:1

Mu chirimika pa maliwondwe nyengo yo ŵakaronga ŵatuliyanga ku nkhondo, Davidi wangutuma Yoabu, ndi ŵanyamata ŵake pamoza nayo, ndi Yisraele yose; ndipo ŵanguphwanya ŵaAmoni, ŵanguko Raba. Kweni Davidi wangujaririya mu Yerusalemu.

2 Samuele 12:26

Ndipo Yoabu wangurwana ndi Raba mwina Amoni, wanguronda msumba wa ufumu.

2 Samuele 12:31

wangutuzgamo ŵanthu wo ŵengamo, wanguŵaŵika pa nchitu za kucheka mathabwa, zakukumba pasi ndi visulo, zakutema ndi zimbavi zachisulo ndipo wanguŵapaska nchitu za kuwumba ncherwa. Viyo ndimo wanguchitiya mu mizi yose ya Amoni. Sono Davidi ndi khamu lose ŵanguwere ku Yerusalemu.

1 Mikoka 20:1

Mu maliwondwe ku umari wa chirimika, pa nyengo yeniyo ŵakaronga ŵarutiya ku nkhondo, Yoabu wangurongozga nkhondo ndi wanguparghang'a charu cha ŵaAmoni, ndipo ŵanguza ndi kugoŵe Raba. Kweni Davidi wanguja ku Yerusalemu, Yoabu wangukoso Raba ndi wanguŵathereska.

Jobu 39:25

Po mbata yitumba watiti, ‘Ehe!’ Wanuska nkhondo yake kutali, ndi kupoma kwaŵarongozgi, ndi kukambura.

Sumu 83:15

viyo ndimo muŵadikiskiye ndi chimphunga chinu, ndipo muŵawofye ndi lirondo linu!

Yesaya 29:6

Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Yesaya 9:5

Pakuti chiyato chose cha wankhondo wakuphwataphwata chifukwa chakuruska kwa nkhondo, ndi chivwalo chose chakubizgika mu ndopa vikawochekanga nge ndi nkhuni za moto.

Yeremiya 23:19

Ehe, lirondo la Ambuya! Ukari watuwa, lirondo la kavuruvuru likavundumukiyanga pa mutu wa muheni.

Yeremiya 49:2

Chifukwa cho, ehe, mazuŵa ghakazanga, atiti Ambuya, ndikachiskanga mumemezu wankhondo kuti uvwike kwachirwana ndi Raba wa Amoni; ukaŵanga chimbumira cha mapopa, ndipo mizi yake yikawochekanga ndi moto; sono Yisraele wakapokanga wo ŵangupoka iyo, atiti Ambuya.

Ezekiele 21:20

lemba nthowa chifukwa cha lipanga lakutuwa ku Raba wa ŵaAmoni ndi ku Yuda ku Yerusalemu walinga.

Ezekiele 21:22

Mu janja lake la marghe mutuwa mphenduzga yapa Yerusalemu, kujura mlomo ndi kuliya, kusoska mazu ndi kubangula, kumika vyakugumuliya pa malikomo, kuviwunjika vimbumira, kuzenga vitanthali vya nkhondo.

Ezekiele 21:25

Ndipo iwe, Owe wakufipiskika muheni we, fumu yaku Yisraele, mweniyo zuŵa lake laza, nyengo yakulangika kwako kwa kumariya,

Ezekiele 25:5

Ndikachitanga Raba waŵe chipozwa cha ŵagamila ndi misumba ya ŵaAmoni liŵe khola la vyakuŵeta. Po ndipo ukaziŵanga kuti ndine Ambuya.

Ezekiele 25:7

chifukwa cho, ehe, ndanyoroska janja langu pakumikana ndi iwe, ndikakuperekanga ku mitundu nge nchakuskowa, ndipo ndikakundumuwangako ku ŵanthu ndi kukutuzga mu vyaro; ndikakuparghang'anga. Sono ndipo ukaziŵanga kuti ine ndine Ambuya.

Danyele 11:40

“Pa vyengo ya umari, karonga waku malaŵi warwenge nayo, kweni karonga waku nkhonde wamurotokiyenge nge ndi kavuruvuru, ndi magareta, ndi ŵakukwera ŵakavalo, ndi ngaraŵa zinandi; ndipo ŵazamsere mu vyaru ndi kuchapariya, ndi kuporotamo.

Amosi 2:2

Viyo nditumenge moto paku Moabu, ndi ukawochanga malinga ghaku Kerioti, ndipo Moabu wakafwanga mukati mu mphomu, mukati mu chiwawa, ndikumba kwa mbata;

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Marangu 3:11

(Wangujako wamoyo Ogi pe, karonga waku Bashani, mu ŵaRefa. Chita chake chenga chavisulo, che mu Raba msumba ŵina Amoni. Utali wake wenga mikono yinkhonde ndi yinayi, usani wake mikono yinayi, nge nchipimo cha mkono wa munthu.)