Amosi 1:11 - Tonga Bible 1986

¹¹ Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Amosi 1:11 ပူးပေါင်းရင်းမြစ်များ

2 Mikoka 20:10

Awonani sono, ŵaAmoni ndi ŵaMoabu ndi ŵaku phiri Seiri, wo kuti mungukhumba cha kuti ŵaYisraele ŵaŵagoŵe pakutuwa mu charu cha Egipiti, kweni ŵangunyongokako kwaku wo kwambura kuŵaparghang'a.

2 Mikoka 20:11

Sono alereni mo ŵatitiwezge, kuza kutituzga mu charu chino cho mwatipaska kuti chiŵenge chidu.

2 Mikoka 28:17

Chifukwa ŵaEdomu ŵangurwa, ndi kumpunda Yuda, ndi ŵanguko ŵamikoli kuruta nawo.

Sumu 137:7

Kumbukani, Ambuya, cho ŵanguchita ŵaEdomu, zuŵa lo wangutoreke Yerusalemu. Kumbukani mo ŵakambiyanga kwakurutiliya, kuti, “Pasuwani, pasuwani! Mpaka pasi pa viŵanja vyake!”

Sumu 85:5

Kumbi mukatundiyanga paku ifwe muyaya? Kumbi ukari winu ukarutiliyanga ku migonezi yose?

Wakutaula 7:9

Reka kukaripa ruŵi, pakuti kukaripa kugona mu chifuŵa cha ŵakupusa.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.

Hoseya 8:3

Yisraele wataya chamampha; murwani wamurondonge.

Yoele 3:19

“Egipiti waŵenge phasulu ndi Edomu mahame ghakupasuka, chifukwa cha nkhaza zakuchitika ku ŵanthu ŵaku Yuda, chifukwa ŵadiska ndopa zambura kafukwa mu charu chawo.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Zekariya 1:15

Ndipo nditundiya ukongwa ndi mitundu yakufwasa; chifukwa penipo ndingukaripa kamanavi, iwo ŵangurutizga suzgu.

Malaki 1:2

Ambuya atiti, “Ndamwanjani.” Kweni imwe mutiti, “Mwatanja uli?” Ambuya atiti, “Kuti Esau ndi mbali waku Yakobe cha? Ndipuuli ndanja Yakobe,

Malaki 1:4

Asani Edomu watiti, “Tapasuka, kweni tizengenge so vyakupasuka,” Ambuya ŵa maŵanja atiti, “Wazengenge kweni ine ndipasuliyenge pasi, mpaka wadanike mtundu uheni, ŵanthu wo Ambuya akwiya nawo muyaya.”

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

Marangu 23:7

“Mungatinkhanga muEdomu, pakuti ndi mwana munyinu; mungatinkhanga muEgipiti, pakuti munguja mu charu chake.