2 ŴaKaronga 9:6 - Tonga Bible 1986

⁶ Sono wangusoka ndipo wangusere mu nyumba, ndipo munyamata yo wangudira mafuta pa mutu wake, wachinena kwaku iyo, “Viyo atiti Ambuya Chiuta waku Yisraele, Nditukupaka iwe kuŵa karonga pa ŵanthu ŵa Ambuya, paku Yisraele.

2 ŴaKaronga 9:6 ပူးပေါင်းရင်းမြစ်များ

1 ŴaKaronga 1:34

ndipo Zadoki mzukuru ndi Natani mchimi ŵamupake mafuta kuŵa karonga wa Yisraele kwenikuwa; ndipo mukuŵi mbata, ndi munene kuti, ‘Waŵe waumoyo utali karonga Solomoni!’

1 ŴaKaronga 10:9

Watumbikike Mbuya Chiuta winu, yo ngwakukondwere mwaku imwe ndi kumujarikani pa chitengo chaku Yisraele! Chifukwa Ambuya ŵangwanja Yisraele muyaya, akuchitani imwe kuŵa karonga, kuti muchitenge cheruzgu chirunji ndi ukongorekwa.”

1 ŴaKaronga 14:7

Rutanga, kamunene Yeroboamu, ‘Viyo atiti Ambuya, Chiuta waku Yisraele, “Chifukwa ndingukukwezga iwe kukuto pakati pa ŵanthu, ndipo ndingukuŵika kuŵa murongozgi wa ŵanthu ŵangu ŵaYisraele,

1 ŴaKaronga 16:2

“Pakuti ndingukukwezga kutuliya mu fuvu ndi ndingukuchita kuwa murongozi wa ŵanthu ŵangu ŵaYisraele kweni iwe wenda mu nthowa yaku Yeroboamu, ndi wachitiska ŵanthu ŵangu ŵaYisraele kulawa, kundisosomole ku chikwiya ndi mphurupuru zawo.

1 ŴaKaronga 19:16

ndipo Jehu mwana waku Mimshi, wakumupaka mafuta kuŵa karonga waku Yisraele, ndipo Elisha mwana waku Shafati waku Abele-mehola wakumupaka mafuta kuŵa mchimi mu malo ghako.

1 ŴaKaronga 3:8

Ndipo muŵanda winu we mukati mu khamu linu lenilo mukusankha, khamu likuru ukongwa, la mbura maŵerengeka mu unandi.

2 ŴaKaronga 9:3

Sono ukato supa ya mafuta, ukamupunguliye pa mutu ndi ukamunene, ‘Viyo atiti Ambuya, nditukupaka kuŵa karonga paku Yisraele.’ Pavuli ukajure chisasa ukathaŵe, kwachiswera cha.”

2 ŴaKaronga 9:5

Wanguti waza, ehe, wakulamula liŵanja la nkhondo wenga mu unganu, ndipo iyo wanguti, “Ndendi uthenga wakwaku iwe, wakulamula we.” Yehu wanguti, “Nkhwaku yani paku ifwe tose?” Ndipo iyo wanguti, “Kwaku iwe wakulamula we.”

2 Mikoka 22:7

Pharghaniko laku Ahaziya lenga laku Chiuta, chifukwa chakuza chiwona Yoramu. Chifukwa wanguti waza, mbwenu waruta pamoza ndi Yehoramu kwachirwana ndi Yehu mwana waku Nimishi, yo Chiuta wangumika ndi kumpaka kuti waparghang'e nyumba yaku Ahabu.

Sumu 2:6

“Ndamika karonga wangu pa Zioni, phiri langu lakupaturika.”

Sumu 75:6

Cheruzgu kuti chikatuliyanga ku vuma pamwenga ku zambwe cha, ku nkhonde pamwenga ku malaŵi cha.

Yesaya 45:1

Viyo atiti Ambuya ku wakupakika wawo, kwaku Surusi, yo ndakhomeska janja lake la marghe kuthereska mitundu paurongo pake ndi kufwatuwa viunu vya ŵakaronga, kujura makhomo paurongo pake kuti vipata vireke kujarika:

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 2:7

Ambuya akavuska ndi kusambasiska; asiskiya pasi, ndi kusoska so.

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.