2 ŴaKaronga 9:32 - Tonga Bible 1986

³² Yehu wanguyinuskiya chisku chake ku dangazi wanguti, “Njani we kuchiri kwangu? Njani?” Ŵamthenu, ŵaŵi, pamwenga ŵatatu ŵangumulereska.

2 ŴaKaronga 9:32 ပူးပေါင်းရင်းမြစ်များ

2 ŴaKaronga 9:31

Sono Yehu wachisere palikomo, iyo wanguti, “Kumbi nchimangu, iwe Zimri, mubaya mbuyako?”

2 ŴaKaronga 9:33

Iyo wanguti, “Mupong'eni pasi.” Viyo ŵangumpong'a pasi, ndipo ndopa zake zinyake zingongana pa chimati ndi zinyake pa ŵakavalo, ndipo ŵangumupwata ndi marundi.

2 ŴaKaronga 9:7

Ndipo ukabwanganduliyanga pasi nyumba yaku Ahabu mbuyako, alinga nditaye thayu paku Yesebelu ndopa za ŵateŵeti ŵangu ŵamchimi, ndi ndopa zaku wose ŵateŵeti ŵa Ambuya.

1 Mikoka 12:18

Penipo Mzimu unguza kwaku Amasai mura waku ŵa machumi ghatatu ndipo wanguti, “Te winu, A Davidi; ndi tekumoza nawe, mwana waku Jese! Chimangu, chimangu kwaku imwe, ndi chimangu ku ŵavwiri ŵinu! Chifukwa Chiuta winu watukovyani”. Ndipo Davidi wanguŵaronde ndi kuŵaŵika kuŵa ŵarongozgi ŵa maŵanja gha ŵankhondo ŵake.

2 Mikoka 11:12

Ndipo mu mizi yose wanguŵikamo nguru ndi mikondo, wanguyikhozga ukongwa. Viyo wenga ndi Yuda ndi Benjamini ŵakumiya iyo.

Estere 1:10

Pa zuŵa la chinkhonde ndi chiŵi, po mtima wa karonga wati wasangaruka ndi vinyo wangunene Mehumani, Bista, Harbona, Bigitani, Abagita, Zetara ndi Karkasi, nduna zinkhonde ndi ziŵi zo zatakatakiyanga karonga Ahaswerusi,

Estere 2:15

Yinguti yafika nyengo yaku Estere mwana waku Abihaile msibweni waku Mordikayi yo wangumto kuŵa nge ndi mwana wake, yakuti wakasere ku karonga, iyo wengavi kukhumba kanthu kanyake kweni cho wangunena Hege mteŵeti wa karonga ndi msungi wa ŵanthukazi mbweno. Viyo Estere wangusaniya wezi kwaku wose wo ŵamuwonanga.

Estere 2:21

Mu mazuŵa gha Mordikayi weche kuja pa likomo la karonga, ŵasungi nyumba ŵaŵi ŵa karonga Bigtani ndi Teresi, ŵamoza ndi ŵalinda ŵa likomo ŵangukalipa, ŵakhumbanga kumuko karonga Ahaswerusi.

Sumu 118:6

Ndi Ambuya pamoza nane, kuti nditopa cha; wachitengenji nane munthu?

Sumu 94:16

Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Chituwa 32:26

sono Mosese wanguma pa likomo la ugoŵi, ndi wanguti, “Njani yo we kuchiri ku Ambuya? Wazi kwangu.” Ndipo ŵana ŵanthurumi wose ŵaku Levi ŵanguwungana pamoza kwaku iyo.

Machitidu gha Ŵakutumika 12:20

Herode watundiriyanga ukongwa pa ŵaTuro ndi ŵaSidoni: ndipo ndi mtima umoza ŵanguziya kwaku iyo, ndipo, ŵati ŵawoja. Elasto, mlindachita wa karonga yo, ŵapemphanga chimangu chifukwa charu chawo chinguhiŵika ndi cho chaufumu.