2 ŴaKaronga 9:3 - Tonga Bible 1986

³ Sono ukato supa ya mafuta, ukamupunguliye pa mutu ndi ukamunene, ‘Viyo atiti Ambuya, nditukupaka kuŵa karonga paku Yisraele.’ Pavuli ukajure chisasa ukathaŵe, kwachiswera cha.”

2 ŴaKaronga 9:3 ပူးပေါင်းရင်းမြစ်များ

1 ŴaKaronga 1:34

ndipo Zadoki mzukuru ndi Natani mchimi ŵamupake mafuta kuŵa karonga wa Yisraele kwenikuwa; ndipo mukuŵi mbata, ndi munene kuti, ‘Waŵe waumoyo utali karonga Solomoni!’

1 ŴaKaronga 19:16

ndipo Jehu mwana waku Mimshi, wakumupaka mafuta kuŵa karonga waku Yisraele, ndipo Elisha mwana waku Shafati waku Abele-mehola wakumupaka mafuta kuŵa mchimi mu malo ghako.

2 ŴaKaronga 8:13

Ndipo Hazaeli wanguti, “Njani nayo mteŵeti winu, garu yawaka, wakuti wangachita chinthu chikuru ichi?” Elisha wangwamuka, “Ambuya andilongo kuti iwe ukaŵanga wa ŵaSiriya.”

2 ŴaKaronga 9:6

Sono wangusoka ndipo wangusere mu nyumba, ndipo munyamata yo wangudira mafuta pa mutu wake, wachinena kwaku iyo, “Viyo atiti Ambuya Chiuta waku Yisraele, Nditukupaka iwe kuŵa karonga pa ŵanthu ŵa Ambuya, paku Yisraele.

2 Mikoka 22:7

Pharghaniko laku Ahaziya lenga laku Chiuta, chifukwa chakuza chiwona Yoramu. Chifukwa wanguti waza, mbwenu waruta pamoza ndi Yehoramu kwachirwana ndi Yehu mwana waku Nimishi, yo Chiuta wangumika ndi kumpaka kuti waparghang'e nyumba yaku Ahabu.

Chituwa 29:7

Ndipo mukatonga mafuta ghakupakiya, ndi mukaghadiranga pa mutu wake ndi kumupaka.

Danyele 2:1

Mu chirimika cha chiŵi cha muwusu waku Nebukadanezara, Nebukadanezara wangulota maloto; ndipo mtima wake ungusuzgika nagho, ndi tulu twake tingukamuka.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

ŴaLevi 8:12

Ndipo wangudira mafuta ghanyake pa mutu waku Aroni kumupaka ndi kumupatuwa.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 26:7

kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha.

1 Samuele 10:1

Sono Samuele wanguto supa ya mafuta wangupunguliya pa mutu wake, wangumufyofyontha ndi wanguti, “Asi ndi Ambuya wo akupaka mwakuti uŵe chirongozgi wa ŵanthu ŵake ŵaYisraele? Ndipo ukawusanga pa ŵanthu ŵa Ambuya ndi kuŵapozomoska mu janja la ŵarwani ŵawo ŵakuŵazingirizga. Ndipo ichi chiŵenge chisimikizgu kwaku iwe kuti Ambuya akupaka kukupatuwa uŵe fumu pa ŵanthu ŵake.

1 Samuele 15:1

Samuele wangunena ndi Sauli, “Ambuya angudituma kukupaka iwe kuŵa karonga pa ŵanthu ŵake ŵaYisraele; viyo sono uvwiske ku mazu gha Ambuya.

1 Samuele 15:17

Samuele wanguti, “Nanga wemumana mu maso ghaku wamweni asi we mutu wa mafuku ghaku Yisraele? Ambuya akupaka kukupatuwa kuŵa karonga pa ŵaYisraele.

1 Samuele 16:2

Samuele wangwamuka, “Ndirutenge uli? Asani Sauli wavwa ichi, wandibayenge.” Ambuya anguti, “Uto thole la ng'ombe, ndipo wamukuti, ‘Ndaziya kwazipereka sembe ku Ambuya.’

1 Samuele 9:16

“Mawa pa nyengo nge ndi iyi ndikutumiyenge munthu wakutuliya ku charu chaku Benjamini, ndipo ukamupakanga mafuta kumupatuwa mwakuti waŵe murongozgi wa ŵanthu ŵangu ŵaYisraele. Wakataskanga ŵanthu ŵangu kutuwa ku janja la ŵaFilisti; chifukwa ndawona suzgu ya ŵanthu ŵangu, kuriya kwawo kwafika kwaku ine.”