2 ŴaKaronga 9:18 - Tonga Bible 1986

¹⁸ Viyo munthu wapakavalo wanguruta kwachikumana nayo, ndi wanguti, “Karonga watiti, ‘Kumbi nchimangu?’ ” Yehu wanguti, “Mwe nacho ndi chine imwe chimangu? Zunguliya, ndipo zanga kuvuli kwangu.” Mlonda wangukamba, “Muthenga waŵafika, kweni kuti waweko cha.”

2 ŴaKaronga 9:18 ပူးပေါင်းရင်းမြစ်များ

2 ŴaKaronga 9:17

Sono mlonda wamanga pa chitanthali mu Yezerele ndipo wanguskora mpingu waku Yehu uchiza, ndipo wanguti, “Ndiwona mpingu.” Ndipo Yoramu wanguti, “Uto wakukwera pa kavalo, umutume wakakumane nawo, ndipo wakafumbe kuti, ‘Kumbi nchimangu?’ ”

2 ŴaKaronga 9:19

Wangutuma wapakavalo wachiŵi, mweniyo wanguza kwaku wo, wanguti, “Karonga wakati, ‘Kumbi nchimangu?’ ” Ndipo Yehu wanguti, “Mwe nacho ndi chine imwe chimangu? Zunguliya, zanga kuvuli kwangu.”

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

2 ŴaKaronga 9:31

Sono Yehu wachisere palikomo, iyo wanguti, “Kumbi nchimangu, iwe Zimri, mubaya mbuyako?”

Yesaya 48:22

“Kulivi chimangu,” atiti Ambuya “ku ŵaheni.”

Yesaya 59:8

Nthowa ya chimangu kuti ŵatiyiziŵa cha, mulivi cheruzgu chirunji mu nthowa zawo; wanyongoloska miseu yawo, palivi yumoza wakwenda mwaku zo yo waziŵa chimangu.

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

ŴaRoma 3:17

ndipo nthowa ya chimangu ŵalive kose kuyiziŵa.”