2 ŴaKaronga 9:14 - Tonga Bible 1986

¹⁴ Viyo Yehu mwana waku Yehosafati mwana waku Nimshi wangumuchitiya chiŵembu Yoramu. (Pa nyengo iyi Yoramu pamoza ndi Yisraeli yose wenga pa ulonda pa Ramoti-gileada kukhozga Hazaeli karonga wa Siriya.

2 ŴaKaronga 9:14 ပူးပေါင်းရင်းမြစ်များ

1 ŴaKaronga 15:27

Basha mwana waku Ahija, wa nyumba yaku Isakara, wangumufinga; ndipo Basha wangumukosole pasi pa Gibetoni, yo wenga wa ŵaFilisti, pakuti Nadabu ndi Yisraele yose ŵanguzinga Gibetoni.

1 ŴaKaronga 16:16

ndipo maŵanja ghankhondo gho ghanguvwa ghachikambika kuti, “Zimri wenga ndi chiŵembu ndipo wabaya karonga”; chifukwa cho Yisraele yose wangumika Omri, wakulamuliya ŵankhondo, kuŵa karonga paku Yisraele zuŵa liya mu ugoŵi.

1 ŴaKaronga 16:7

Ndipo so mazu gha Ambuya ghanguziya mu mchimi Yehu mwana waku Hanani gha paku Basha ndi nyumba yake, chifukwa cha mphurupuru zose zo wanguchita mu maso gha Ambuya, kuŵasosomole kuchikwiya ndi nchitu za manja ghake, pakuŵa wakukozgana ndi wanguyiparghang'a.

1 ŴaKaronga 16:9

Kweni mteŵeti wake Zimri, wakulamula chigaŵa chimoza cha vigaŵa viŵi cha magareta ghake, wangumufinga. Penipo wenga pa Tirza, wamwanga wanguloŵe mu nyumba yaku Azra, mweniyo wenga wakutuliya ŵamu nyumba mu Tirza,

1 ŴaKaronga 22:3

Ndipo karonga wa ŵaYisraele wanguti ku ŵaŵanda ŵake, “Kumbi muziŵa kuti Ramoti-gileada ngwidu, ndipo taja waka cheti, kuti titumukwamphuwa cha mu janja la karonga wa Siriya?”

2 ŴaKaronga 10:9

Ku mlenji, wanguti watuwa wanguma, wangunena ndi ŵanthu wose, “Mulivi kalema. Ine ndine ndinguyukiya mbuyangu, ndi kumubaya, kweni na njani yo wakoso wose yaŵa?

2 ŴaKaronga 12:21

Yozakara mwana waku Shimeya ndi Yehozabadi mwana waku Shomeri, ŵateŵeti ŵake, ndi wo ŵangumukosole pasi, viyo wangufwa. Ndipo ŵangumuŵika pamoza ndi awiske mu msumba waku Davidi, ndipo Amaziya mwana wake wanguwusa mu malo ghake.

2 ŴaKaronga 15:30

Kweni Hosheya mwana waku Ela wanguchita chiŵembu paku Peka mwana waku Remaliya, wangumukosole pasi, ndi kumubaya ndipo iyo wanguwusa mu malo ghake, mu chirimika cha machumi ghaŵi chaku Yotamu mwana waku Uziya.

2 ŴaKaronga 8:28

Wanguruta ndi Yoramu mwana waku Ahabu kwachirwa nkhondo ndi Hazaeli karonga wa Siriya pa Romotigileada, kweniko ŵaSiriya ŵangumulasa Yoramu.

2 ŴaKaronga 8:29

Ndipo karonga Yoramu wanguruta ku Yezerele kuti wakachizgike ku mabala gho ŵangumulasa waSiriya pa Rama, po ŵarwananga ndi Hazaeli karonga wa Siriya. Ndipo Ahaziya mwana waku Yehoramu karonga waku Yuda wangusika kwachiwona Yoramu mwana waku Ahabu ku Yezerele pakuti wenga wakutama.

2 ŴaKaronga 9:2

Asani wachifika ukapenji ko kwe Yehu mwana waku Yehosafati, mwana waku Nimshi, ndipo ukasere ndi kumunene kuti wakatuwepo pa ŵanyake, ndipo ukamurongozge ku chipinda cha mukati.

2 ŴaKaronga 9:31

Sono Yehu wachisere palikomo, iyo wanguti, “Kumbi nchimangu, iwe Zimri, mubaya mbuyako?”