2 ŴaKaronga 9:11 - Tonga Bible 1986

¹¹ Penipo Yehu wangutuliya ku ŵateŵeti ŵa mbuyake, iwo ŵanguti kwaku iyo, “Kumbi kwe umampha? Wanguziyanji kwaku iwe wakufuntha uyu?” Iyo wanguti kwaku wo, “Imwe namwe mutumiziŵa munthu uyu ndi kakambidu kake.”

2 ŴaKaronga 9:11 ပူးပေါင်းရင်းမြစ်များ

2 ŴaKaronga 4:26

chimbiya ruŵi kwachikumana nayo ndipo ukati kwaku iyo, ‘Kumbi nkhwamampha kwaku iwe? Nkhwamampha ku mrumi wako? Nkhwamampha ku mwana yo?’ ” Munthukazi wangwamuka, “Kwe umampha.”

2 ŴaKaronga 5:21

Viyo Gehazi wangurondo Namani. Ndipo penipo Namani wanguwona munthu watimuchimbiriya kuvuli wangusika pa gareta kwachikumana nayo, wanguti “Nkhwamampha?”

2 ŴaKaronga 9:12

Iwo ŵanguti, “Wo kuti mbuneneska cha; utinene.” Ndipo iyo wanguti, “Viyo ndi viyo ndimu wakambiya nane, wakati, ‘Ambuya atiti, nditukupaka iwe kuŵa karonga paku Yisraele?’ ”

2 ŴaKaronga 9:17

Sono mlonda wamanga pa chitanthali mu Yezerele ndipo wanguskora mpingu waku Yehu uchiza, ndipo wanguti, “Ndiwona mpingu.” Ndipo Yoramu wanguti, “Uto wakukwera pa kavalo, umutume wakakumane nawo, ndipo wakafumbe kuti, ‘Kumbi nchimangu?’ ”

2 ŴaKaronga 9:19

Wangutuma wapakavalo wachiŵi, mweniyo wanguza kwaku wo, wanguti, “Karonga wakati, ‘Kumbi nchimangu?’ ” Ndipo Yehu wanguti, “Mwe nacho ndi chine imwe chimangu? Zunguliya, zanga kuvuli kwangu.”

2 ŴaKaronga 9:2

Asani wachifika ukapenji ko kwe Yehu mwana waku Yehosafati, mwana waku Nimshi, ndipo ukasere ndi kumunene kuti wakatuwepo pa ŵanyake, ndipo ukamurongozge ku chipinda cha mukati.

2 ŴaKaronga 9:22

Ndipo penipo Yoramu wanguwona Yehu, wanguti, “Kumbi nchimangu, Yehu?” Iyo wangwamuka, “Pangaŵa chimangu cha mtundu uli penipo maureŵi gha anyoko a Yezebelu gheche ghanandi pamoza ndi maufwiti ghawo?”

Yesaya 59:15

Uneneska usoŵa, ndipo yo watuwako ku uheni watijichita kuŵa chakuliwa. Ambuya anguchiwona ichi ndipo chengavi kuŵakondweska: po kwengavi cheruzgu chirunji.

Yeremiya 29:26

‘Ambuya akukuŵika kuŵa mzukuru mu malo ghaku Yehoyada mzukuru, kuŵa ndi mtufu mu nyumba ya Ambuya pa munthu yose wakufuntha mweniyo wachima, kumuŵika mu gori ndi mu matangaja.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Marko 3:21

Ndipo ŵachivwa ŵabali ŵake ŵanguruta kwachimuko; chifukwa ŵatinge, “Wahereuka.”

Yohane 10:20

Wanandi mwaku wo ŵanenanga, “We ndi demone, wakufuntha; chifukwa chine mutumuvwa?”

Machitidu gha Ŵakutumika 17:18

Ndipo ŵanyake ŵanjazeru ŵaEpikuro ndi ŵaStoa ŵangukumana nayo. Ndipo ŵanyake ŵatinge, “Wangakambanji mbwebweta uyu?” Ndi ŵanyake, “Wawoneka kuŵa mtaula wa vyachiuta vilendo;” chifukwa wataulanga Yesu ndi chiyuka cho.

Machitidu gha Ŵakutumika 26:24

Ndipo wachijivikiriya iyo vyenivyo, Festo wanguti ndi mazu ghamkankha, “Paulo wafuntha, masambiru ghako ghanandi ghakung'anamuskiya ku vibwetu.”

1 ŴaKorinte 4:10

Te ŵakupusa ifwe pa chifukwa chaku Kristu kweni imwe mwe ŵavinjeru mwaku Kristu. Ifwe te ŵakutomboroka kweni imwe mwe ŵanthazi. Mwe ŵakurumbika imwe, kweni ifwe te ŵakuyuyulika.

2 ŴaKorinte 5:13

Chifukwa asani tiwoneka nge tifuntha, nchifukwa cha mlimu waku Chiuta; ndipo asani tiziza, nkhwaku imwe.