2 ŴaKaronga 8:6 - Tonga Bible 1986

⁶ Ndipo penipo karonga wangufumba munthukazi yo, wangumunene. Viyo karonga wangumumikiya wamazaza, kuti, “Kamuwezge vyose vyo vyenga vyake, pamoza ndi vyakurgha vya mu munda kwamba pa zuŵa lenilo wangutuliyapo pa charu mpaka sono.”

2 ŴaKaronga 8:6 ပူးပေါင်းရင်းမြစ်များ

Chiyambo 37:36

Pa nyengo iyi ndipo ŵaMidiani ŵamuguliska kale mu Egipiti kwaku Potifara, nduna yaku Farao, yo wenga nduna ya ŵakulonda.

2 Samuele 9:7

Davidi wangunena nayo, “Ungopanga; pakuti ndikurongonge lisungu pa chifukwa cha ausu Jonafani, ndipo nkhakuwezgiyanga charu chose chaku Sauli ausu; ndipo ukarghanga pa gome langu mazuŵa ghose.”

2 ŴaKaronga 8:5

Sono po iyo waneniyanga karonga mwenimo wanguyuskiya ku umoyo wakufwa, ehe, munthukazi mweniyuwa mwana wake wangumuyuskiya ku umoyo wangudandaula ku karonga gha nyumba yake ndi charu chake, ndipo Gehazi wanguti, “Mbuyangu karonga wangu, munthukazi yo ndi uyu, ndipo uyu ndiyo mwana wake mweniyo Elisha wanguyuskiya ku umoyo.”

2 ŴaKaronga 8:7

Sono Elisha wanguza ku Damasko. Benhadadi karonga waSiriya wangutama, ndipo penipo wangumunene, kuti, “Munthu waku Chiuta waza kuno,”

2 ŴaKaronga 9:32

Yehu wanguyinuskiya chisku chake ku dangazi wanguti, “Njani we kuchiri kwangu? Njani?” Ŵamthenu, ŵaŵi, pamwenga ŵatatu ŵangumulereska.

1 Mikoka 28:1

Davidi wanguwunganiska zinduna zose za ŵaYisraele mu Yerusalemu zinduna za mafuka, ndi ŵarongozgi ŵa vigaŵa vyo vyateŵetiyanga karonga wakulamula wa vikwi, ŵakulamula ŵa machumi pe chumi, ŵasungi ŵa usambasi wose ndi ng'ombe zose vya karonga ndi ŵana ŵake pamoza ndi nduna za karonga, ndi vinkhara, ndi ŵankhondo wose ŵakuziŵiriya.

Nthanthi 16:7

Asani nthowa za munthu zikondwereska Ambuya, iwo ŵachitiska ŵakupindikana ŵake nawo kuŵa nayo ndi chimangu.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Marangu 22:2

Ndipo asani kuti we pafupi namwe cha, pamwenga asani mulivi kumuziŵa, muzenge nayo kwinu ku muzi ku nyumba yinu. Yikaŵanga ndi imwe mpaka penipo mwana munyinu watiyipenja, sono po ndipo, mukamuwezgiyanga yo.

Ŵeruzgi 11:13

Ndipo karonga wa Amoni wangwamuka mathenga ghaku Jefta, “Chifukwa Yisraele wachituwa ku Egipiti wangupoka charu changu, kwamba ku Arnoni mpaka ku Jaboko ndi ku Yordane, chifukwa cho sono uchiwezge charu mu chimangu.”