2 ŴaKaronga 8:5 - Tonga Bible 1986

⁵ Sono po iyo waneniyanga karonga mwenimo wanguyuskiya ku umoyo wakufwa, ehe, munthukazi mweniyuwa mwana wake wangumuyuskiya ku umoyo wangudandaula ku karonga gha nyumba yake ndi charu chake, ndipo Gehazi wanguti, “Mbuyangu karonga wangu, munthukazi yo ndi uyu, ndipo uyu ndiyo mwana wake mweniyo Elisha wanguyuskiya ku umoyo.”

2 ŴaKaronga 8:5 ပူးပေါင်းရင်းမြစ်များ

1 ŴaKaronga 20:1

Benehadadi karonga wa Siriya wanguwunjika liŵanja lake lose la nkhondo; ŵakaronga machumi ghatatu ndi ŵaŵi (32) ŵenga pamoza nayo, ndi ŵakavalo ndi magareta; ndipo wangukwera ndi wanguzinga Samaria, wangurwa nayo.

2 ŴaKaronga 4:12

Ndipo wanguti kwaku Gehazi mteŵeti wake, “Umudane muShunamu uyu.” Wanguti wamudana wanguzachima paurongo pake.

2 ŴaKaronga 4:35

Ndipo wanguyuka, ndi wangwenda kuya uku ndi uku mu nyumba, ndipo wangukwerapo wangutambala pa mwana ndipo mwana wanguyetghemuwa ka nkhonde ndi kaŵi, ndipo wangubanuwa maso ghake.

2 ŴaKaronga 6:12

Ndipo yumoza wa ŵateŵeti ŵake wanguti, “Palivi nanga njumoza, mbuyangu karonga, kweni Elisha, mchimi yo, mweniyo wemu Yisraele, ndiyo wanene karonga wa Yisraele mazu gho imwe murongoro mu chipinda chinu chakulamo.”

2 ŴaKaronga 6:26

Ndipo penipo karonga wadumuwangapo kwenda pachanya pa linga munthukazi wangumuliriya, wakuti, “Wovyani mbuyangu, karonga we!”

2 ŴaKaronga 8:6

Ndipo penipo karonga wangufumba munthukazi yo, wangumunene. Viyo karonga wangumumikiya wamazaza, kuti, “Kamuwezge vyose vyo vyenga vyake, pamoza ndi vyakurgha vya mu munda kwamba pa zuŵa lenilo wangutuliyapo pa charu mpaka sono.”

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

Sumu 145:1

Ndikankhuskenge imwe, Chiuta wangu ndi karonga; nditumbikenge zina linu muyaya ndi muyaya.

Nthanthi 16:9

Muwongo wa munthu urongoso nthowa yake, kweni Ambuya arongozga muchapu wake.

Wakutaula 9:11

Ndinguwona so kuti panu pasi maphara kuti gheku ŵapusu cha, nanga ndi nkhondo kuti yaku ŵanthazi cha, nanga nkhurgha ku ŵazeru, nanga mbusambasi ku ŵakuwamo nanga mbulemu ku zing'ombwa cha: kweni nyengo ndi mwaŵi viŵiya kwaku wose.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Ruti 2:3

Viyo wanguruta ndi wangukonkho mbeu muvuli mwa ŵakuvuna; ndipo wanguza ku chigaŵa cha munda cho chenga chaku Boazi yo wenga wa mbumba yaku Elimeleke.

1 Samuele 26:17

Sauli wangupanikizga mazu ghaku Davidi, wanguti, “Kumbi ndigho mazu ghako mwana wangu Davidi?” Davidi wanguzomera, “Ndigho mazu ghangu, mbuyangu, Karonga.”