2 ŴaKaronga 8:4 - Tonga Bible 1986

⁴ Ndipo karonga warongaronga ndi Gehazi mteŵeti wa munthu waku chiuta, kuti, “Undinene vinthu vyose vikuru vyo Elisha wakuchita.”

2 ŴaKaronga 8:4 ပူးပေါင်းရင်းမြစ်များ

2 ŴaKaronga 2:14

Sono wanguto chivwalo chaku Eliya cho chingumbotoka kwake, ndi wangupuma maji, wanguti, “Wepani Ambuya Chiuta waku Eliya?” Ndipo wanguti waghapuma maji, ghangupatukana ghanguma uku ndi uku, ndipo Elisha wangwambuka.

2 ŴaKaronga 2:24

Wangung'anamuka, ndipo wanguti waŵaona, wanguŵatemba mu zina la Ambuya. Ndipo kungusotopoka ŵabera ŵaŵi ŵanthukazi ku dondo ŵanguparuwa machumi ghaŵi gha ŵahurwa wo.

2 ŴaKaronga 4:12

Ndipo wanguti kwaku Gehazi mteŵeti wake, “Umudane muShunamu uyu.” Wanguti wamudana wanguzachima paurongo pake.

2 ŴaKaronga 4:25

Viyo wanguza ku munthu waku Chiuta pa phiri Karmele. Penipo munthu waku Chiuta wanguwona munthukazi watuza, wanguti kwaku Gehazi mteŵeti wake, “Awona, patalipo pe muShunamu,

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 6:32

Elisha wenga munyumba yake, ndipo ŵaraŵara ŵanguja pamoza nayo. Sono karonga wangutuma munthu kutuwa pa maso pake, kweni muthenga yuwa wenga wandafike Elisha wanguti ku ŵaraŵara, “Mwawona, mo uyu mubayaŵanthu wanditumiya munthu kuti wazidumuwe mutu wangu? Ehe, asani muthenga uyu waza mujare chisasa, ndi muchikhozge ukongwa chimutonde kujura. Kumbi mdinu wakuchapuka kwa mbuyake kuti wekuvuli kwake cha?”

2 ŴaKaronga 6:6

Sono munthu waku Chiuta wanguti, “Yawiya pani?” Wanguti wamurongo po yawa, wangudumuwa kamuti wangukapong'a penipa, ndipo mbavi yingubuka.

2 ŴaKaronga 7:1

Kweni Elisha wanguti, “Vwani mazu gha Ambuya; viyo atiti Ambuya, Lamawa pa nyengo nge ndi iyi mweso wa ufwa wamampha ukagulikanga pa shekelo limoza, ndi myeso yiŵi ya barile pa shekelo limoza, palikomo la Samaria.”

2 ŴaKaronga 7:10

Viyo wanguza ŵangudana ŵalinda malikomo gha msumba, ŵanguŵanene, “Tinguza ku ugoŵi wa ŵaSiriya, awonani, kwengavi munthu chingana njumoza wakuwonekako kuwa nanga ndi mazu ghakuti ghavwikeko, kulivi, kweni ŵakavalo ŵakumangika, mbunda zakumangika, ndi misasa mo yikumiya.”

2 ŴaKaronga 7:3

Penga ŵanthurumi ŵanayi ŵamakhate pakuserere pa likomo, yaŵa ŵafumbananga yumoza ndi munyake, “Kumbi tijariyengenji pano mpaka tifwe?

2 ŴaKaronga 8:3

Ndipo pa umari wavirimika vinkhonde ndi viŵi, penipo munthukazi yuwa wanguweko ku charu cha ŵaFilisti wanguruta kwachikamba ndi karonga gha nyumba yake ndi charu chake.

Mateyu 2:8

Ndipo wanguŵatuma ku Betelehemu, wanguti, “Kaninga, mukapenje kwarwana vyapa mwana yo, asani mwamsaniya, nditauliyeni, viyo kuti nane so ndizichimlambiya.”

Luka 23:8

Ndipo Herode, wachimuwona Yesu, wangukondwa ukongwa; chifukwa kwamba kali wakhumbanga kumwona, chifukwa cha kuvwa vinandi vyapaku iyo; ndipo wagomekezganga kwachiwona chisimikizgu chakuti, kuchitika ndi iyo.

Luka 9:9

Kweni Herode wanguti, “Yohane ndingumdumuwa mutu ine: kweni njani mwenuyu paku mweniyo ine nthuvwa vyaviyo?” Ndipo wapenjanga kumwona.

Yohane 9:27

Wanguŵamuka, “Ndakuneniyani kali, kumbi kuti mwavwa cha: mukhumba kuvwanji so? Kumbi imwe mukhumba kuŵa ŵasambizi ŵake namwe?”

Machitidu gha Ŵakutumika 24:24

Kweni ghanguti ghakapo mazuŵa ghanyake, wanguzako Feliko pamoza ndi Drusila, muwoli wake yo wenga muYuda, ndipo wangumudana Paulo ndipo wangumuvwa vyapa chivwanu mwaku Kristu Yesu.