2 ŴaKaronga 8:16 - Tonga Bible 1986

¹⁶ Mu chirimika cha chinkhonde chaku Yoramu mwana waku Ahabu, karonga waYisraele, Yehoramu mwana waku Yehosafati karonga waku Yuda, wangwamba kuwusa.

2 ŴaKaronga 8:16 ပူးပေါင်းရင်းမြစ်များ

1 ŴaKaronga 22:42

Yehosafati wenga wa virimika machumi ghatatu ndi vinkhonde (35) panyengo yo wangwambiya kuwusa, ndipo wanguwusa virimika machumi ghaŵi ndi vinkhonde (25) mu Yerusalemu. Zina la anyina lenga Ezeba mwana waku Shiliti.

1 ŴaKaronga 22:44

Yehosafati wanguchita so chimangu ndi karonga wa ŵa Yisraele.

1 ŴaKaronga 22:50

Yehosafati wangugona pamoza ndi awiske mu msumba waku Davidi awiske, ndipo Yehoramu mwana wake wanguwusa mu malo ghake.

1 ŴaKaronga 22:51

Ahaziya mwana waku Ahabu wangwamba kuwusa paku Yisraele mu Samaria mu chirimika cha chumi ndi vinkhonde ndi viŵi (17) chaku Yehosafati karonga waku Yuda, ndipo wanguwusa virimika viŵi paku Yisraele.

2 ŴaKaronga 1:17

Viyo wangufwa kwakuyana ndi mazu gha Ambuya gho wangukamba Eliya. Yehoramu mwana munyake, wangusere ufumu mu malo ghake, mu chirimika chachiŵi chaku Yehoramu mwana waku Yehosafati, karonga waku Yuda, chifukwa Ahaziya wenga mwana munthurumi.

2 ŴaKaronga 11:2

Kweni Yehosheba, mwana munthukazi wa karonga Yoramu, mzichi waku Ahaziya, wanguto Yoashi mwana waku Ahaziya ndi wangumuba mukati mu ŵana ŵa karonga wo ŵatinge ŵabayikenge, ndipo wangumuŵika iyo pamoza ndi mlezi wake mu chipinda chakugonamo. Viyo ndimu wangumubisiya kwaku Ataliya, reka wengavi kubayika,

2 ŴaKaronga 3:1

Mu chirimika cha chumi ndi vinkhonde ndi vitatu chaku Yehosafati karonga waku Yuda, Yehoramu mwana waku Ahabu wanguŵa karonga waku Yisraele mu Samariya, ndipo wanguwusa virimika chumi ndi viŵi.

2 ŴaKaronga 8:25

Mu chirimika cha chumi ndi viŵi chaku Yoramu mwana waku Ahabu karonga waku Yisraele, Ahaziya mwana waku Yehoramu, karonga waku Yuda, wangwamba kuwusa.

2 Mikoka 22:1

Ndipo wo ŵanguja mu Yerusalemu ŵangumika Ahaziya kwangu wake, kuŵa karonga mu malo ghake; chifukwa ŵanthu wo ŵanguza ndi Arabu ku msasa ŵangukoso ŵaku ŵake wose. Viyo Ahaziya mwana waku Yehoramu wanguwusa.