2 ŴaKaronga 8:1 - Tonga Bible 1986

¹ Sono Elisha wanguti ku munthukazi yuwa mwana wake wangumuyuskiya ku umoyo, “Soka, urutenge ndi ŵa nyumba yako ukaje kweniko kose ungakhumba pakuti Ambuya arongoso chilala, ndipo chikazanga pa charu kwa virimika vinkhonde ndi viŵi.”

2 ŴaKaronga 8:1 ပူးပေါင်းရင်းမြစ်များ

Chiyambo 12:10

Sono kwenga chilala mu charu cho. Viyo Abramu wanguruta ku Egipiti kwachitandara kwenikuwa, pakuti chilala cho chenga chikuru mu charu cho.

Chiyambo 26:1

Sono mwenga nja mu charu, ya pade pa nja yakale yeniyo yengako mu mazuŵa ghaku Abrahamu. Ndipo Yisaki wanguya ku Gerara kwaku Abimeleke karonga wa ŵaFilisti.

Chiyambo 41:25

Sono Yosefe wanguti kwaku Farao, “Loto laku Farao ndimoza; Chiuta warongo kwaku Farao chenicho we pafupi kuchita.

Chiyambo 41:32

Ndipo kulota kwa kaŵi kwa loto laku Farao kung'anamuwa kuti chinthu ichi chanozgeka ndi Chiuta, ndipo Chiuta wakachichitanga sosonokweni.

Chiyambo 41:54

ndipo virimika vinkhonde vya nja vingwamba uli ndimo wangukambiya Yosefe. Mwenga chilala mu vyaru vyose; kweni mu charu cha Egipiti mwenga chakurgha.

Chiyambo 47:4

Ŵanguti kwaku Farao, “Taziya kuzachija mu charu; pakuti chilala nchinonono ukongwa mu charu cha Kanani; ndipo sono timupemphani zomerezgani kuti ŵateŵeti ŵinu ŵaje mu charu cha Gosheni.”

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

2 Samuele 24:13

Gadi wanguza kwa ku Davidi ndi kumukambiya, wangunena nayo, “Kumbi vikuziye iwe virimika vitatu vya chilala mu charu chako? Pamwenga kumbi ungathaŵa myezi yitatu paurongo pa ŵarwani ŵako, iwo ŵachikudikiska? Pamwenga asi kungaŵa chideru pa charu chako kwa mazuŵa ghatatu? Ndipo ughanaghane, ufikepo nkhwamuka uli ko ndiwezgiyenge ku ŵakundituma.”

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:2

Viyo Eliya wanguruta kwachijirongo kwaku Ahabu. Pa nyengo iyi chilala chenga chikuru mu Samaria.

2 ŴaKaronga 4:18

Wanguti wakuwa mwana yo zuŵa limoza wanguruta ku wiske mukati muŵakuvuna.

2 ŴaKaronga 4:36

Sono wangudana Gehazi ndi wanguti, “Umudane munthukazi.” Viyo wangumudana. Ndipo penipo wanguza kwaku iyo, wangumunene, “To mwana wako.”

2 ŴaKaronga 4:38

Elisha wanguza so ku Gilgala penipo mwenga chilala mu charu. Ndipo penipo ŵana ŵa ŵamchimi ŵanguja pasi paurongo pake wangunena ndi mteŵeti wake, “Ujarikepo nkhali yikuru uŵabikiye kurgha ŵana ŵa ŵamchimi.”

2 ŴaKaronga 7:20

Ndipo kungumuŵiyadi viyo, pakuti ŵangumupwata ndi marundi mu likomo ndipo wangufwa.

2 ŴaKaronga 8:2

Viyo munthukazi yuwa wangusoka, wanguchita uli ndi mazu gha munthu waku chiuta, wanguruta ndi ŵa nyumba yake ndi wangwachija mu charu cha ŵaFilisti virimika vinkhonde ndi viŵi.

Sumu 105:16

Penipo Ambuya angutuma chilala mu charu chawo, ndi kutuzgamo kurchga kwawo kose,

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Yeremiya 25:29

Chifukwa ehe, nditamba kuchita chiheni pa msumba weniwo udanika ndi zina langu, ndipo kumbi mukarutanga ŵambura kulangika? Mukalangikanga mbwenu, pakuti ndikadananga lipanga paku wose ŵakuja pa charu chapasi, atiti Ambuya ŵa maŵanja?’

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Hagayi 1:11

Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”

Luka 21:11

ndipo viŵengepo vyeuyeu vikuru, ndi mu malo ndi malo vilala ndi videru; ndipo viŵengepo vyakofya, ndi visimikizgu vikuru vyakutuliya kuchanya.

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

Luka 4:25

Kweni kwakuneneska ndikuneniyani, mwenga vyoko vinandi mu Yisraele mu mazuŵa ghaku Eliya penipo kuchanya kungujarika virimika vitatu ndi myezi yinkhonde ndi umoza, po chinguŵiyapo chilala chikuru pa charu chose.

Machitidu gha Ŵakutumika 11:28

Ndipo yumoza waku wo, zina lake Agabu, wangusoka, ndipo wangusimikizgiya mu Mzimu kuti chikaŵangapo chilala chikuru pa charu chose: chenicho nacho chinguŵapo wachiusa Klaudio.

Ruti 1:1

Mu mazuŵa mwaku gho ŵeruzgi ŵayeruzgiyanga mwenga chilala mu charu, ndipo munthu yumoza wamu Betelehemu waku Yuda wanguruta mu charu cha Moabu, iyo ndimuwoli wake ndi ŵana ŵake ŵaŵi ŵanthurumi.