2 ŴaKaronga 7:17 - Tonga Bible 1986

¹⁷ Sono karonga wangumika nduna yira yo yenga pa mtima wake, kuŵa wakulamuliya pa likomo ndipo ŵanthu ŵangumukandiya pasi mu likomo, viyo wangufwa, kwakuyana ndimo munthu waku Chiuta wangukambiya ku karonga penipo wanguza kwaku iyo.

2 ŴaKaronga 7:17 ပူးပေါင်းရင်းမြစ်များ

2 ŴaKaronga 5:18

Mu makani yagha mphanyi Ambuya agowoke mteŵeti wako, penipo mbuyangu wasere mu nyumba yaku Rimoni kwachisopa muwa, kuyegeme pa janja langu, ndipo ine ndichiko tamiya pasi mu nyumba yaku Rimoni, po ndikotamiya pasi mu nyumba yaku Rimoni, Ambuya agowoke mteŵeti wako mu makani yagha.”

2 ŴaKaronga 6:32

Elisha wenga munyumba yake, ndipo ŵaraŵara ŵanguja pamoza nayo. Sono karonga wangutuma munthu kutuwa pa maso pake, kweni muthenga yuwa wenga wandafike Elisha wanguti ku ŵaraŵara, “Mwawona, mo uyu mubayaŵanthu wanditumiya munthu kuti wazidumuwe mutu wangu? Ehe, asani muthenga uyu waza mujare chisasa, ndi muchikhozge ukongwa chimutonde kujura. Kumbi mdinu wakuchapuka kwa mbuyake kuti wekuvuli kwake cha?”

2 ŴaKaronga 7:2

Sono nduna yira, yo karonga waŵakangapo mtima wake yingunena ndi munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Iyo wanguti, “Iwe ukachiwonanga ndi maso ghako, kweni kuti ukarghangapo cha.”

2 ŴaKaronga 9:33

Iyo wanguti, “Mupong'eni pasi.” Viyo ŵangumpong'a pasi, ndipo ndopa zake zinyake zingongana pa chimati ndi zinyake pa ŵakavalo, ndipo ŵangumupwata ndi marundi.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

Ŵeruzgi 20:43

Pakuŵadumuliya pasi ŵaBenjamini ŵanguŵandondoloska ndi kuŵaphwatiya pasi kwamba ku Noba kwachifika kwakutghana ndi Gibea ku vuma.