2 ŴaKaronga 7:13 - Tonga Bible 1986

¹³ Sono yumoza wa ŵateŵeti ŵake wanguti, “Ŵanthu ŵanyake ŵato ŵakavalo ŵankhonde mwaku wo ŵasiyika, pakuti wose wo ŵasiyika muno kukaŵaŵiyanga nge ndimo kunguŵiya mzinda wose wa ŵaYisraele wo ŵakumara kale, tiŵatume ŵakawone.”

2 ŴaKaronga 7:13 ပူးပေါင်းရင်းမြစ်များ

2 ŴaKaronga 5:13

Kweni ŵateŵeti ŵake ŵanguza pafupi ndi ŵangumufumba ŵakuti, “Ada, kumbi asani mchimi wangukulanguliyani kuchita chinthu chizitu asi mwatinge muchitenge? Na uzitu ngune pakumuneniyani kuti, ‘Kasambe utozgeke’?”

2 ŴaKaronga 6:33

Ndipo penipo weche kurongoro nawo, karonga wanguza ndi wanguti, “Suzgu iyi njakutuliya ku Ambuya! Kafukwa nkhane kakuti ndilindizgenge mbwenu ku Ambuya?”

2 ŴaKaronga 7:12

Karonga wanguyuka ndi usiku, wangunena ndi ŵateŵeti ŵake, “Ndimukambiyeninge cho ŵaSiriya ŵarongosole paku ifwe, ŵaziŵa kuti tendi nja, chifukwa cho ŵatuliya kubwalo ku ugoŵi kwachibisama ku dondo, pa fundu yakuti, ‘Ŵachituwa mu msumba, tiŵako ŵamoyo ndipo tamusere mu msumba.’ ”

2 ŴaKaronga 7:14

Viyo wanguto ŵanthu ŵaŵi ŵakukwera pa ŵakavalo, karonga wanguŵatuma pavula pa nkhondo ya ŵaSiriya, wakuti, “Rutani mukawone.”

2 ŴaKaronga 7:4

Asani tinganena kuti, ‘Tiyeni tisere mu msumba,’ mu msumba mwe nja, tamufwiya mwenimo, ndipo asani taja penipano napo tikafwanga mbwenu. Iku tiyeni, tirutenge ku ugoŵi wa ŵaSiriya, asani ŵamukutisunga ŵamoyo tamuja ŵamoyo, ndipo asani wamukutibaya mbwenu tikafwanga.”

Yeremiya 14:18

Asani ndituya ku munda, ehe, wo ŵabayika ndi lipanga! Ndipo asani ndisere mu muzi, ehe, ŵakubayika ndi chilala! Pakuti wose ŵaŵi mchimi ndi mzukuru ŵachita nchitu yawo mu charu mo, ndipo ŵalivi zeru.’ ”

Chitenje 4:9

Wo ŵangubayika ndi lipanga ŵangufwa umampha, kwakuruska ŵakubayika ndinja, ŵeniwo ŵangusuzgika chifukwa cha kusoŵa vyakurgha vyamu minda.