2 ŴaKaronga 7:10 - Tonga Bible 1986

¹⁰ Viyo wanguza ŵangudana ŵalinda malikomo gha msumba, ŵanguŵanene, “Tinguza ku ugoŵi wa ŵaSiriya, awonani, kwengavi munthu chingana njumoza wakuwonekako kuwa nanga ndi mazu ghakuti ghavwikeko, kulivi, kweni ŵakavalo ŵakumangika, mbunda zakumangika, ndi misasa mo yikumiya.”

2 ŴaKaronga 7:10 ပူးပေါင်းရင်းမြစ်များ

2 Samuele 18:26

Ndipo mlinda wanguwona so munthu munyake wachimbiya, mlinda wangudanirizga ku wapa likomo wanguti, “Ehe, munthu munyake wachimbiya yija!” Karonga wanguti, “Nayo so wapinga makani.”

2 ŴaKaronga 7:11

Sono ŵalinda malikomo ŵangudanirizga, ndipo kunguziŵiskika ku ŵa munyumba ya karonga.

2 ŴaKaronga 7:9

Sono ŵangunenerana ŵanguti, “Kuti tichita umampha cha ifwe. Zuŵa lino ndi zuŵa la makani ghamampha; asani tijenge chisisi ndi kulindizga mpaka kucha mphurupuru yidu yikatisaniyanga; ipo sono tiyeni, tikaŵanene ŵa nyumba ya karonga.”

1 Mikoka 15:18

pamoza ndi iwo ŵabali ŵawo ŵa mzeri wachiŵi, Zekariya, Yaziele, Shemiramota, Yeheili Uni, Eliyabi, Benai, Maseya, Matatiya, Elifelehu, ndi Mikineya ndi ŵalinda malikomo Obededomu, ndi Yeliele.

1 Mikoka 16:38

ndi so Obededomu ndi ŵabali ŵake machumi ghankhonde ndi limoza pachanya ŵankhonde ndi ŵatatu (68) po Obededomu mwana waku Yedutani, ndi Hosa ŵenga ŵalinda likomo.

2 Mikoka 23:19

Ndipo wanguŵika ŵalinda ŵamakhomo pa malikomo gha nyumba yaku Chiuta, mwakuti kureke kuŵa yumoza wakufipiskika ndi kanthu kaya nkhakuŵa uli waseremo.

Sumu 127:1

Kwambura kuti Ambuya ndiwo azenga nyumba, atakataka kwa ŵaka ŵakuyizenga. Kwambura kuti Ambuya ndiwo asunga muzi, mlonda wafuŵizga tulo kwa ŵaka