2 ŴaKaronga 6:12 - Tonga Bible 1986

¹² Ndipo yumoza wa ŵateŵeti ŵake wanguti, “Palivi nanga njumoza, mbuyangu karonga, kweni Elisha, mchimi yo, mweniyo wemu Yisraele, ndiyo wanene karonga wa Yisraele mazu gho imwe murongoro mu chipinda chinu chakulamo.”

2 ŴaKaronga 6:12 ပူးပေါင်းရင်းမြစ်များ

2 ŴaKaronga 5:26

Kweni wanguti kwaku iyo, “Kumbi ndengavi kuruta nawe mu mzimu penipo munthu yuwa wangutuwa mugareta kuzachikumana nawe? Kumbi yenga nyengo yakuronde ndrama ndi vyakuvwara, miti ya olive, ndi minda ya mphereska, mberere ndi ng'ombe, ŵateŵeti ŵanthurumi ndi ŵateŵeti ŵanthukazi?

2 ŴaKaronga 5:3

Msungwana yo wanguti ku mbuyake munthukazi, “Asani mbuyangu wenga pamoza ndi mchimi yo wemu Samaria! Mphanyi watinge wamuchizgenge makhate ghake.”

2 ŴaKaronga 5:8

Kweni penipo Elisha munthu waku Chiuta wanguvwa kuti karonga waYisraele waparuwa vyakuvwara vyake, wangutuma mazu ku karonga kuti, “Chifukwa chine mwaparuwa vyakuvwara vinu? Murekeni wazi kuno kwangu, alinga kuti waziŵe kuti mwe mchimi mu Yisraele.”

2 ŴaKaronga 6:11

Ndipo marunguruku gha karonga waSiriya ghangutimbanizgika ukongwa chifukwa cha chinthu ichi; ndipo wangudana ŵateŵeti ŵake, wanguŵafumba, “Kumbi kuti mungandirongo cha pakati pidu yo we kuchiri ku karonga wa ŵaYisraele?”

2 ŴaKaronga 6:13

Ndipo iyo wanguti, “Rutani, mukawone kweniko wali, alinga nditumeko kwachimuko.” Wangumunene, “Ehe, we mu Dotani.”

Chituwa 8:3

Nile wakazazikanga ndi ŵamchuwa, wo ŵakazanga mu nyumba yako ndi mu chipinda chako chakulamo ndi pa chita chako ndi muzinyumba za ŵaŵanda ŵako ndi za ŵanthu ŵako ndi mwakubikiya mwinu ndi mu ngwembe zakukasiyamo.

Nthanthi 21:30

Palivi zeru, palivi kuwamo, palivi pangizgu, vyo vingawovya kumikana ndi Ambuya.

Wakutaula 10:20

Ungatembanga karonga cha nanga ndi mu maghanaghano ghako, nanga nkhutemba musambasi muchipinda chako cha kugonamo; pakuti kayuni ka mude kapingenge mazu ghako, pamwenga chakuwuluka ndi mapapa chinyake chikambenge makani.

Yesaya 29:15

Soka kwaku wo ŵabisa fundu zawo pa ndimba ku Ambuya, wo vyakuchita vyawo vye mu mdima, ndipo ŵatiti, “Njani watitiwona? Njani watitiziŵa?”

Yesaya 8:10

Khomani fuzi pamoza, kweni yichitenge kanthu cha, kambani mazu, kweni kuti ghakamanga cha, pakuti Chiuta we nafwe pamoza.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.