2 ŴaKaronga 5:8 - Tonga Bible 1986

⁸ Kweni penipo Elisha munthu waku Chiuta wanguvwa kuti karonga waYisraele waparuwa vyakuvwara vyake, wangutuma mazu ku karonga kuti, “Chifukwa chine mwaparuwa vyakuvwara vinu? Murekeni wazi kuno kwangu, alinga kuti waziŵe kuti mwe mchimi mu Yisraele.”

2 ŴaKaronga 5:8 ပူးပေါင်းရင်းမြစ်များ

2 Samuele 3:31

Sono Davidi wangunena ndi Yoabu ndi ŵanthu wose wo ŵenga pamoza nayo, “Paruwani vyakuvwara vinu, vwarani masaka ndipo mutenjere Abnere.” Ndipo karonga Davidi nayo wangulondo pavuli pa mtembo.

1 ŴaKaronga 12:22

Kweni mazu ghaku Chiuta ghanguza kwaku Shemaya munthu waku Chiuta,

1 ŴaKaronga 17:24

Ndipo munthukazi yo wanguti kwaku Eliya, “Sono ndiziŵa kuti ndiwe munthu waku Chiuta, ndi kuti mazu gha Ambuya mu mlomo wako nga uneneska.”

2 ŴaKaronga 1:6

Iwo ŵanguti kwaku iyo, “Kunguza munthu kuzachikumana nafwe, ndipo wangunena nafwe, ‘Wereni ku karonga yo wakutumani, mukamunene kuti, Viyo ndimo akambiya Ambuya, Kumbi nchifukwa chakuti mulivi Chiuta mwaku Yisraele, kuti mutuma kwachifumba kwaku Balazebubi, chiuta waku Ekroni? Pa chifukwa ichi kuti ukasikangapo cha pa chita po wagona, kwakuneneska ukafwanga.’ ”

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

2 ŴaKaronga 5:3

Msungwana yo wanguti ku mbuyake munthukazi, “Asani mbuyangu wenga pamoza ndi mchimi yo wemu Samaria! Mphanyi watinge wamuchizgenge makhate ghake.”

2 ŴaKaronga 5:7

Ndipo penipo karonga waYisraele wanguŵerenga karata yuwa, wanguparuwa vyakuvwara vyake, wanguti, “Kumbi ine ndine Chiuta, wakubaya ndi wakupaska umoyo, po uyu munthu watuma mazu kwangu kuti ndichizge munthu ku makhate ghake? Kweni wonani, mukasaniyanga kuti wapenja mo wangarwiyana ndi ine.”

2 ŴaKaronga 5:9

Viyo Namani wanguza ndi ŵakavalo ŵake ndi magareta, ndipo wanguma pa khomo pa nyumba yaku Elisha.

Chituwa 11:8

Ndipo ŵaŵanda ŵinu wose yaŵa ŵakasikiyanga kwangu, ndi kuŵeramiya ine, ndi kuti, ‘Tuwanimo, ndi ŵanthu wose wo ŵatikurondo’. Ndipo pavuli pake ine ndikatuwanga.” Ndipo wangutuwako kwaku Farao ndi mtima wakufya.

Ezekiele 2:5

Manyi ŵamkuvwa pamwenga ŵamkana kuvwa (pakuti ndi nyumba ya chigaruka) ŵakaziŵanga kuti mwenga mchimi mukati mwawo.

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

ŴaRoma 11:13

Kweni ndikambiya imwe mwa ŵaMitundu. Mo ndiriri ine wakutumika ku ŵaMitundu, ndiukankhuska uteŵeti wangu.

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”