2 ŴaKaronga 5:23 - Tonga Bible 1986

²³ Ndipo Namani wanguti, “Zomera, kuronde matalente ghaŵi.” Ndipo wangumukakamizga wangumanga matalente ghaŵi gha siliva mu mathumba ghaŵi, pamoza ndi maraya ghakusinthana ghaŵi, ndi wangupingizga ŵateŵeti ŵake ŵaŵi, ndipo ŵanguvipinga pauronga paku Gehazi.

2 ŴaKaronga 5:23 ပူးပေါင်းရင်းမြစ်များ

Chiyambo 33:11

Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda.

1 ŴaKaronga 20:7

Sono karonga wa ŵaYisraele wangudana ŵaraŵara wose ŵa charu, wanguti, “Thoŵani sono, ndi wonani mwenimo munthu uyu wapenje kutisuzgiya, pakuti wangutuma kwangukukhumba ŵawoli ŵangu, ŵana ŵangu, siliva wangu ndi golide wangu, ndipo ndengavi kumukaniya.”

2 ŴaKaronga 12:10

Ndipo penipo pose ŵanguwona kuti mwe ndrama zinandi mu kabokosi, mulembi wa karonga ndindimzukuru mura ŵanguza ndi kuŵerenga ndipo ŵanguziŵika mu mathumba ndrama zo zingusanirika mu nyumba ya Ambuya.

2 ŴaKaronga 2:17

Kweni ŵangumuchichizga mpaka wanguchita soni sono wanguti, “Ŵatumeni.” Viyo ŵangutuma ŵanthu machumi ghankhonde; ndipo ŵangumupenja kwa mazuŵa ghatatu kweni kuti ŵangumusaniya cha.

2 ŴaKaronga 5:16

Kweni iyo wanguti, “Mo aliri amoyo Ambuya ŵeniwo nditataliya, kuti ndirondengeko kanthu cha.” Wangumukakamizga kuvironda, kweni wangukana.

2 ŴaKaronga 5:5

Ndipo karonga wa Siriya wanguti, “Wukenge sono, ndipo ndikatumanga karata ku karonga waku Yisraele.” Viyo wanguruta, wangupinga matalente chumi gha siliva, ndi mashekelo vikwi vinkhonde ndi chimoza vya golide, ndi vyakuvwara vya mtundu mtundu.

2 ŴaKaronga 6:3

Sono yumoza waku wo wanguti, “Chimukondweskeni kuruta nawo ŵateŵeti ŵinu.” Iyo wangwamuka, “Ndikarutanga.”

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.

Luka 11:54

ŵakumuŵandamiya kwachikole kanthu kaku mlomo wake.