2 ŴaKaronga 5:16 - Tonga Bible 1986

¹⁶ Kweni iyo wanguti, “Mo aliri amoyo Ambuya ŵeniwo nditataliya, kuti ndirondengeko kanthu cha.” Wangumukakamizga kuvironda, kweni wangukana.

2 ŴaKaronga 5:16 ပူးပေါင်းရင်းမြစ်များ

1 ŴaKaronga 13:8

Ndipo munthu waku Chiuta wanguti ku karonga, “Nanga mungandipaska chimoza cha vigaŵa viŵi vya nyumba yinu, kuti ndikaserengamo namwe cha. Kuti ndikarghanga chiŵande chingana nkhumwa maji cha mu malo yagha;

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:15

Ndipo Eliya wanguti, “Mo aliri amoyo Ambuya ŵamaŵanja, ŵeniwo ndituma paurongo pawo, kwakuneneska ndikajirongonga kwaku iyo msana wale.”

2 ŴaKaronga 3:14

Elisha wanguti, “Mwenimo ajariya amoyo Ambuya ŵamaŵanja, ŵeniwo ine nditeŵete, asani ndengavi kuphwere Yehosafati karonga waku Yuda, mphanyi kuti ndakulereska ndi kukuwona cha.

2 ŴaKaronga 5:20

Gehazi mteŵeti waku Elisha munthu waku Chiuta, wanguti, “Awonani, mbuyangu wamufwatuwa ŵaka Namani mu Siriya uyu pakureka kurondako vyo wanguza navyo. Mo aliri amoyo Ambuya, ndikamuchimbiriyanga, kwachirondako kanthu kwaku iyo.”

2 ŴaKaronga 5:26

Kweni wanguti kwaku iyo, “Kumbi ndengavi kuruta nawe mu mzimu penipo munthu yuwa wangutuwa mugareta kuzachikumana nawe? Kumbi yenga nyengo yakuronde ndrama ndi vyakuvwara, miti ya olive, ndi minda ya mphereska, mberere ndi ng'ombe, ŵateŵeti ŵanthurumi ndi ŵateŵeti ŵanthukazi?

Danyele 5:17

Viyo Danyele wangwamuka paurongo pa karonga, wanguti, “Vyawanangwa vinu vyaku mwaŵeni; mphoto yo mupaski munyake; kweni ndimuŵerengiyenge karonga lembo lo ndi kumuziŵiska kang'anamuridu kake.

Mateyu 10:8

Chizgani ŵakutama, ŵakufwa yuskani, ŵamakhate tozgani, ŵademone tuzgani. Kwawezi mwaronde, kwawezi paskani.

1 ŴaKorinte 6:12

“Kwaku ine vinthu vyose vyamachitika”; kweni kuti vyose vitovya cha. “Kwaku ine vinthu vyose vyamachitika,” kweni kuti nkhaŵanga muŵanda ku kanthu ke kose cha.

2 ŴaKorinte 12:14

Awonani kachitatu yaka ndirongosole kuza kwinu. Ndipo kuti nkhamzitiskaninga cha, chifukwa kuti ndipukwa vinu cha, kweni ndipukwa imwe: chifukwa kuti kuyiyamu ŵana kuŵikiya ŵapapi ŵawo mbiku cha, kweni ŵapapi ku ŵana.