2 ŴaKaronga 5:14 - Tonga Bible 1986

¹⁴ Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 5:14 ပူးပေါင်းရင်းမြစ်များ

1 ŴaKaronga 17:16

Chimphuli cha ufwa chengavi kuŵa chiyumu chingana ndi supa ya mafuta nayo kuti yinguphwa cha, kwakulingana ndi mazu gha Ambuya gho angukambiya mwaku Eliya.

2 ŴaKaronga 4:35

Ndipo wanguyuka, ndi wangwenda kuya uku ndi uku mu nyumba, ndipo wangukwerapo wangutambala pa mwana ndipo mwana wanguyetghemuwa ka nkhonde ndi kaŵi, ndipo wangubanuwa maso ghake.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

Jobu 31:13

“Asani ndakana mrando wa wanchitu wangu munthurumi ndi wanchitu wangu munthukazi, penipo ŵanguza ndi dandaulu lakumikana ndi ine;

Jobu 33:25

munofu wake uŵe nge ngwa uhurwa; wawere ku mazuŵa gha uhurwa wake.’

Chituwa 4:7

Sono Chiuta wanguti, “Werezge janja lako mu chifuŵa chako.” Viyo wanguliwezge mu chifuŵa janja lake; ndipo wanguti walituzga, awonani, linguweremo kuyana ndi liŵavu lake lose.

Nthanthi 9:9

Runguchizga munthu wa zeru, ndipo wakaŵanga wa zeru kwakuruska; sambizga munthu wakurunjika ndipo wakuwenge mukusambira.

ŴaLevi 13:58

Kweni chakuvwara, cha uzu wakumika pamwenga wakupinjika, pamwenga chinthu chose cho nchakuchitika ndi chikopa mwaku cho nthenda yatuwa mwati mwachisuka, chikasukikanga so kachiŵi, ndipo chikatozgekanga.”

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Luka 4:27

Ndipo ŵamakhati ŵanandi ŵengamu Yisraele pa nyengo yaku Elisha mchimi yo: ndipo pengavi yumoza waku wo wanguphotoreka, kweni Namani mu Siriya yo.”

Luka 5:13

Ndipo wanguti watambasuwa janja, wangumkwaska, wakuti, “Ndikhumba; utozgeke.” Ndipo sosonukweni makhate gho ghangutuwako kwake.

Yohane 2:5

Anyina ŵangunene ŵateŵete, “Chenicho chose wangamneniyani imwe, chitani.”

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Yoswa 6:4

Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.