2 ŴaKaronga 5:13 - Tonga Bible 1986

¹³ Kweni ŵateŵeti ŵake ŵanguza pafupi ndi ŵangumufumba ŵakuti, “Ada, kumbi asani mchimi wangukulanguliyani kuchita chinthu chizitu asi mwatinge muchitenge? Na uzitu ngune pakumuneniyani kuti, ‘Kasambe utozgeke’?”

2 ŴaKaronga 5:13 ပူးပေါင်းရင်းမြစ်များ

Chiyambo 41:43

ndipo wangumujarika mu gareta lake la chiŵi la ufumu; ndipo ŵangukambura paurongo pake, “Jikamani makongono!” Viyo ndimu wangumjarikiya pa mtufu wapa charu chose cha Egipiti.

1 ŴaKaronga 20:23

Ndipo ŵateŵeti ŵa karonga waku Siriya wangunena nayo, “Wa chiuta ŵawo mbe chiuta ŵa mu mapiri, rekani ŵenga ŵanthazi kuruska ifwe, kweni tiyeni tikarwani nawo mu chidika, kwakuneneska tamkuŵapunda.

1 ŴaKaronga 20:31

Ŵateŵeti ŵake ŵangunena nayo, “Ehe, ifwe tavwa kuti ŵakaronga ŵa nyumba yaku Yisraele mba karonga ŵa lisungu; tiyeni tivware vigudulu mu chiwunu ndi miraza mu mitu tirute ku karonga wa ŵaYisraele; vunu wangamusungani ŵamoyo.”

2 ŴaKaronga 13:14

Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

2 ŴaKaronga 2:12

Ndipo Elisha wanguchiwona ichi, wanguliya, “Ada! Ada! Magareta ghaku Yisraele ndi ŵanthu ŵake ŵa ŵakavalo!” Ndipo kuti wangumuwona so cha. Sono wanguto vivwalo vyamweneko ndi wanguviparuwa paŵi.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

2 ŴaKaronga 5:3

Msungwana yo wanguti ku mbuyake munthukazi, “Asani mbuyangu wenga pamoza ndi mchimi yo wemu Samaria! Mphanyi watinge wamuchizgenge makhate ghake.”

2 ŴaKaronga 6:21

Penipo karonga wa ŵaYisraele wanguŵawona, wanguti kwaku Elisha, “Ada, kumbi ndiŵabaye? Kumbi ndiŵabaye?”

2 ŴaKaronga 8:9

Viyo Hazaeli wanguruta kwachikumana nayo, ndi chaulera mu janja lake, vinthu vyamitundu yose vya mu Damasko, vingupingika ndi ŵagamila machumi ghanayi. Penipo wanguza ndi kuma paurongo pake, wanguti, “Mwana wako Benhadadi karonga ŵaSiriya wandituma kwaku iwe, kuti, ‘Kumbi nkhachilanga ku urwali uwu?’ ”

Sumu 51:2

Mundisuke ku kubende kwangu, ndipo mundiphoto ku kwananga kwangu.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Yesaya 1:16

Musambe; mujiphoto; tuzgani uheni wa machitidu ghinu pa maso pangu; rekani kuchita uheni,

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Mateyu 23:9

Ndipo mungamtamula yumoza wiskemwe panupasi cha: chifukwa yumoza ndiyo wiskemwe, yo wakuchanya.

Yohane 13:8

Petro wamnene, “Kuti mukasambiskanga marundi ghangu cha muyaya.” Wangumwamuka Yesu, “Asani ndireka kukusambiska, kuti we ndi chigaŵa pamoza nane cha.”

Yohane 9:7

kwaku iyo wanguti, “Kanga, kasambe mu chiziŵa chaku Siloama” (lo ling'anamuka, wakutumika). Viyo wanguruta, wangwachisamba, ndipo wanguwe wakulereska.

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.

1 ŴaKorinte 1:27

kweni Chiuta wasankha vyakupusa vya charu, alinga kuti waŵalengeske ŵazeru; ndi vyakutomboroka vya charu wasankha Chiuta, alinga walengeske vyanthazi,

1 ŴaKorinte 4:15

Chifukwa chingana mwaku Kristu mungaŵa ndi ŵarongozgi vikwi chumi, ndikweni kuti mwe ndi auskemwe ŵeni ŵanandi cha: pakuti mwaku Kristu Yesu ine ndakupapiyani mu evangeli.

Tito 3:5

kutuliya ku nchitu zamu urunji zenizo tinguchita ifwe cha, kweni kwakulingana ndi lisungu lake wangutitaskiya mu chisambiska cha kupapika so ndi mukarengekedu kafya mu Mzimu Wakupaturika,

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

1 Samuele 28:23

Wangukana, ndipo wanguti, “Kuti ndingargha cha.” Kweni ŵateŵeti ŵake, pamoza ndi munthukazi ŵangumchichizga; wanguvwiya mazu ghawo, sono wanguyuka pasi, wanguja pa chita.

1 Samuele 9:10

Viyo Sauli wangunena ndi mteŵeti wake, “Wakamba umampha; tiye tirutenge.” Ndipo ŵanguruta mu msumba mo wenga munthu waku Chiuta.