2 ŴaKaronga 5:11 - Tonga Bible 1986

¹¹ Kweni Namani wangukaripa, ndipo wangupunthuka wakuti, “Ehe, ndaghanaghananga kuti nadi wakaturiyanga kwangu, ndi kuma, ndi kudana pa zina la Ambuya Chiuta wake, ndi kuzungung'a janja lake pa malo gha nthenda ndi kuchizga makhate.

2 ŴaKaronga 5:11 ပူးပေါင်းရင်းမြစ်များ

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

2 ŴaKaronga 4:5

Sono wanguruta kutuwako kwaku iyo, ndipo wangujijariya chisasa pamoza ndi ŵana ŵake, ndipo wachidira ŵamutoliyanga viyaŵi.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

2 ŴaKaronga 5:12

Kumbi Abana ndi Farpara misinji yamu Damasko, asi mjamampha kuruska maji ghose ghamu Yisraele? Na ndingurekiyanji kusamba mwenimo kuti nditozgeke?” Viyo wangung'anamukako ndi warutanga mukuthuruma.

Nthanthi 1:32

Pakuti ŵanamana ŵabayika ndi nthowa yawo yachiwerevuli, ndipo kujikhorwa kwaŵakupusa kutuŵananga ŵeneko;

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Nthanthi 3:7

Ungajisanduskanga wazeru mu maso ghaku wamweni; wopanga Ambuya, ndipo utuweko ku uheni.

Mateyu 15:27

Munthukazi wanguti, “Inyadi, Ambuya, kweni ŵagaru nawo ŵaturghako marivuvu ghakumbotoka pa gome la mbuyawo.”

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Mateyu 8:8

Ndipo nduna yo, yakwamuka, yinguti, “Ambuya, kuti kutenere cha kuti imwe musere pasi pa bagha langu: kweni kambani ŵaka mazu, ndipo wachizgikenge munyamata wangu.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Yohane 4:48

Viyo Yesu wanguti kwaku iyo, “Kwambura kuti mungawona visimisimi ndi minthondwi kuti muvwanenga cha.”

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.