2 ŴaKaronga 5:1 - Tonga Bible 1986

¹ Namani wakulanguliya liŵanja la nkhondo la karonga ŵaSiriya wenga munthu wakuzirwa ku mbuyake ndi wamagomekezgeka ukongwa, chifukwa mwaku iyo Ambuya angupaska upundi kwaku Siriya. Wenga ngwazi ya nkhondo, kweni wamakhate.

2 ŴaKaronga 5:1 ပူးပေါင်းရင်းမြစ်များ

2 Samuele 3:29

Zidike pa mutu waku Yoabu, ndi nyumba yose ya awiske; ndi kuti nyumba yaku Yoabu yireke kusoŵeka nanga njumoza cha wakuŵa ndi nthenda yakusuruwa ndopa, pamwenga wakuŵa ndi makhate, pamwenga wakwende ndodo, pamwenga wakubayika ndi lipanga, pamwenga wakusoŵa chiŵande.”

2 ŴaKaronga 4:8

Zuŵa limoza Elisha wanguruta ku Shunemu, kweniko munthukazi muromba wajanga, mweniyo wangumuchichizga kuti warghe kurgha. Viyo penipo pose wangwendiyako ku nthowa yiya wanguziŵa kupatukiyapo kwachirgha kurgha.

2 ŴaKaronga 5:2

Sono ŵaSiriya pa nkhondo yawo yumoza wanguko ndi kuruta ndi musungwana kutuwa ku charu chaku Yisraele, ndipo watataliyanga muwoli waku Namani.

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

2 ŴaKaronga 7:3

Penga ŵanthurumi ŵanayi ŵamakhate pakuserere pa likomo, yaŵa ŵafumbananga yumoza ndi munyake, “Kumbi tijariyengenji pano mpaka tifwe?

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.

Estere 9:4

Chifukwa Mordikayi wenga mura mu nyumba ya karonga, mbiri yake yinguvwika mu vyaru vyose; chifukwa Mordikayi uyu wakuliyanga-kuliyanga.

Chituwa 11:3

Ndipo Ambuya anguchita wezi ku ŵanthu pa maso gha ŵaEgipiti. Ndipo so, Mosese wenga wakuzirwa ukongwa mu charu cha Egipiti, pa maso gha ŵaŵanda ŵaku Farao ndi pa maso gha ŵanthu.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

Luka 4:27

Ndipo ŵamakhati ŵanandi ŵengamu Yisraele pa nyengo yaku Elisha mchimi yo: ndipo pengavi yumoza waku wo wanguphotoreka, kweni Namani mu Siriya yo.”

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

ŴaRoma 15:18

Chifukwa kuti ndamgangiya kurongoro kanthu cha, kweni kaku vyo Kristu wangutataliya mwaku ine, kuti ŵamuvwiye ŵaMitundu mu mazu ndi milimu,

2 ŴaKorinte 12:7

Ndipo chifukwa cha mtaruliro wa mauvumbuzi gho, mwakuti ndireke kujikwezge pachanya ndi kujikuzga, kungupaskika kwaku ine urwirwi wakupweteka mu liŵavu, nthumi yaku Satana yingundipuma, kuti ndireke kutumphulika ukongwa.

Marangu 2:37

Ku charu cha ŵina Amoni pe ndiko mungureka kufikako, ndi ku malo ghose gha mumphepete mu msinji Yaboko ndi mizi yaku mapiri ndi kose kweneko Ambuya Chiuta widu wangutikanizga.