2 ŴaKaronga 4:27 - Tonga Bible 1986

²⁷ Ndipo wangufika ku phiri ku munthu waku Chiuta, wanguvumbatiya marundi ghake. Ndipo Gehazi wanguza kumung'anuwako. Kweni munthu waku Chiuta wanguti, “Umureke, pakuti wemusuzgu ya kuŵaŵa, ndipo Ambuya andibisa ine chinthu ichi, ŵalivi kundinene.”

2 ŴaKaronga 4:27 ပူးပေါင်းရင်းမြစ်များ

2 Samuele 7:3

Natani wanguti, “Rutani chitani chose cho che mu mtima winu; pakuti Ambuya ŵe pamoza namwe.”

Chiyambo 18:17

Ambuya anguti, “Kumbi ndikamubisanga Abrahamu cho ndikachitanga;

Mateyu 15:23

Kweni iyo kuti wangumwamuka mazu cha. Ndipo ŵasambizi ŵake ŵanguza kumenene kuti, “Mudikeni; pakuti wakambura pavuli pidu.”

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Nthanthi 18:14

Mzimu wamunthu ukunthiyengepo matenda; kweni mzimu wakusweka njani wanganyamuwa?

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

Jobu 10:1

“Ndavuka ndi umoyo wangu, ndikambenge pakwero zadinginyiko langu; nkhakambanga mu kuŵaŵa kwa mzimu wangu.

2 ŴaKaronga 6:12

Ndipo yumoza wa ŵateŵeti ŵake wanguti, “Palivi nanga njumoza, mbuyangu karonga, kweni Elisha, mchimi yo, mweniyo wemu Yisraele, ndiyo wanene karonga wa Yisraele mazu gho imwe murongoro mu chipinda chinu chakulamo.”

2 ŴaKaronga 4:25

Viyo wanguza ku munthu waku Chiuta pa phiri Karmele. Penipo munthu waku Chiuta wanguwona munthukazi watuza, wanguti kwaku Gehazi mteŵeti wake, “Awona, patalipo pe muShunamu,

1 Samuele 1:10

Hana wangusuzgika ukongwa mu mtima wanguromba ku Ambuya, ndipo wangufwifwinthiya kwakuŵaŵa.

Yohane 15:15

Kuti ndikuzumbuwani ŵaŵanda so cha; chifukwa muŵanda walive kuziŵa cho wachita mbuyake: kweni ndakutamulani ŵabwezi; pakuti ndakuziŵiskani vyose vyo ndavwa ku Ada.

Yohane 4:27

Ndipo panyengo yeniyiya ŵanguza ŵasambizi ŵake; ndipo ŵanguzizwa kuti warongoronga ndi munthukazi; kwenidi kwengavi yumoza wanguti, “Mupenjanji?” pamwenga, “Murongoronji nayo?”

Luka 7:38

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

Marko 14:6

Kweni Yesu wanguti, “Mlekeni; mumsuzgiyanji? Wandichitiya mlimu weneko.

Marko 10:13

Ndipo ŵangumtole twana, kuti watukwaske: kweni ŵasambizi wo ŵanguŵachenya.

Mateyu 28:9

Ndipo, onani, Yesu iyo wangukumana nawo, wakuti, “Mauleni!” Ndipo Wanguza, ndi ŵanguko marundi ghake, ndipo ŵangumlambiya.

Mateyu 20:31

Kweni mzinda wo unguŵachenya, kuti ŵachetame. Kweni iwo ŵabongonga ukongwako, ŵakuti, “Ambuya, tifwiyeni lisungu, mwaMwana waku Davidi.”

2 ŴaKaronga 4:26

chimbiya ruŵi kwachikumana nayo ndipo ukati kwaku iyo, ‘Kumbi nkhwamampha kwaku iwe? Nkhwamampha ku mrumi wako? Nkhwamampha ku mwana yo?’ ” Munthukazi wangwamuka, “Kwe umampha.”