2 ŴaKaronga 4:26 - Tonga Bible 1986

²⁶ chimbiya ruŵi kwachikumana nayo ndipo ukati kwaku iyo, ‘Kumbi nkhwamampha kwaku iwe? Nkhwamampha ku mrumi wako? Nkhwamampha ku mwana yo?’ ” Munthukazi wangwamuka, “Kwe umampha.”

2 ŴaKaronga 4:26 ပူးပေါင်းရင်းမြစ်များ

Chiyambo 29:6

Wanguti kwaku wo, “Kumbi we umampha?” Iwo ŵanguti, “We umampha; ndipo awona, Rakelo mwana wake munthukazi watuza ndi mberere!”

Chiyambo 37:14

Viyo wanguti kwaku iyo, “Rutanga sono, ukawone vinu ŵe umampha ŵana ŵanyako ndi viŵetu viyo.” Viyo wangumutumiya pa dambo la Hebroni, ndipo wanguza ku Shekemu.

Chiyambo 43:27

Ndipo wanguŵafumba ndi za maumoyo ghawo, wanguti, “Kumbi, uskemwe we umampha, khongwe lenilo mungukamba? Kumbi weche wamoyo?”

2 Samuele 18:29

Ndipo karonga wanguti, “Kumbi kwamuŵiya umampha mhurwa Absalomu?” Ahimazi wanguti, “Po Yoabu watumanga ndamteŵeti winu ndinguwona chivulupi chikuru ndipo kuti ndinguziŵa cha manyi chenga uli.”

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

2 ŴaKaronga 4:25

Viyo wanguza ku munthu waku Chiuta pa phiri Karmele. Penipo munthu waku Chiuta wanguwona munthukazi watuza, wanguti kwaku Gehazi mteŵeti wake, “Awona, patalipo pe muShunamu,

2 ŴaKaronga 4:27

Ndipo wangufika ku phiri ku munthu waku Chiuta, wanguvumbatiya marundi ghake. Ndipo Gehazi wanguza kumung'anuwako. Kweni munthu waku Chiuta wanguti, “Umureke, pakuti wemusuzgu ya kuŵaŵa, ndipo Ambuya andibisa ine chinthu ichi, ŵalivi kundinene.”

2 ŴaKaronga 5:22

Iyo wanguti, “Vyose vye umampha, mbuyangu wandituma kuzachikamba kuti, ‘Kwandiziya sosonukweni kutuliya ku charu cha mitunthu chaku Efraimu, ŵanyamata ŵaŵi ŵana ŵa ŵamchimi, ndipempha uŵapaske talente limoza la siliva ndi maraya ghaŵi ghakusinthana.’ ”

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Machitidu gha Ŵakutumika 15:36

Kweni pavuli pa mazuŵa ghanyake Paulo wangunena ndi Barnaba, “Sono tiwerengeko ndi tichezgenge ndi ŵabali ŵidu, tiwone mo ŵaliri, mu muzi wose mwenimo tingutauliya mazu gha Ambuya.”

1 Samuele 17:18

ndipo so uto viyato ivi chumi upingiye nduna yawo ya pachanya pa ŵankhondo chikwi (1,000). Uwone, mo ŵabali ŵako ŵaliri; ndipo ukandipingiyeko ndindira kutuwa kwawo.”

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”