2 ŴaKaronga 3:14 - Tonga Bible 1986

¹⁴ Elisha wanguti, “Mwenimo ajariya amoyo Ambuya ŵamaŵanja, ŵeniwo ine nditeŵete, asani ndengavi kuphwere Yehosafati karonga waku Yuda, mphanyi kuti ndakulereska ndi kukuwona cha.

2 ŴaKaronga 3:14 ပူးပေါင်းရင်းမြစ်များ

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 18:15

Ndipo Eliya wanguti, “Mo aliri amoyo Ambuya ŵamaŵanja, ŵeniwo ndituma paurongo pawo, kwakuneneska ndikajirongonga kwaku iyo msana wale.”

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

2 ŴaKaronga 5:16

Kweni iyo wanguti, “Mo aliri amoyo Ambuya ŵeniwo nditataliya, kuti ndirondengeko kanthu cha.” Wangumukakamizga kuvironda, kweni wangukana.

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Yeremiya 1:18

Ndipo ehe, ine msana wale ndikuchita iwe kuŵa nge ndi muzi wa malinga, mzati wa chisulu, ndi malinga gha mkuŵa kulimbana ndi charu chose ndi ŵakaronga ŵaku Yuda, ndi mafumu ghake, ŵazukuru ŵake, ndi ŵanthu ŵamu charu cho.

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.