2 ŴaKaronga 3:12 - Tonga Bible 1986

¹² Ndipo Yehosafati wanguti, “Mazu gha Ambuya ghe mwake.” Viyo karonga waYisraele ndi Yehosafati ndi karonga wa Edomu ŵanguya kwaku iyo.

2 ŴaKaronga 3:12 ပူးပေါင်းရင်းမြစ်များ

2 ŴaKaronga 2:21

Wanguruta ku chisima cha maji, wangudira mche mu chisima cho, ndi wanguti, “Ambuya atiti, ‘Ndachizga maji yagha, kwamba mono kaya ndi nyifwa manyi nkhusoposka kuti vikatuwanga mwaku gho cha.’ ”

2 ŴaKaronga 3:11

Ndipo Yehosafati wanguti, “Kumbi palivi mchimi wa Ambuya pano, mwaku mweniyo tingafumbiya ku Ambuya?” Sono yumoza wa ŵateŵeti ŵa karonga waku Yisraele wangwamuka, “Elisha mwana waku Shafati we pano, mweniyo wangudira maji mu manja ghaku Eliya.”

2 ŴaKaronga 3:13

Ndipo Elisha wanguti ku karonga waYisraele, “Nde nawe ndi chine iwe? Ruta ku ŵamchimi ŵa ausu, ndi ŵamchimi ŵa anyoko.” Kweni karonga waYisraele wanguti kwaku iyo, “Awa, MbAmbuya wo ŵadana ŵakaronga ŵatatu yaŵa kuŵapereka mu janja laku Moabu.”

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Yeremiya 37:17

karonga Zedekiya wangutuma kwachimutuzga ndipo wangumuronde. Karonga wangumufumba ku udeke mu nyumba yake, wanguti, “Kumbi ghaliko mazu ghatuwa kwa Ambuya?” Yeremiya wanguti, “Ghaliko.” Sono wanguti, “Ukaperekekanga mu janja la karonga waku Babiloni.”

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.