2 ŴaKaronga 25:3 - Tonga Bible 1986

³ Pa zuŵa la chinkhonde ndi chinayi la mwezi wa chinayi, chilala chinguŵa chikuru mu muzi mwengavi vyakurgha ku ŵanthu.

2 ŴaKaronga 25:3 ပူးပေါင်းရင်းမြစ်များ

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

Ezekiele 7:15

“Lipanga le kubwaro, chideru ndi chilala vye mukati, yo we mu munda watufwa ndi lipanga; ndipo yo we mu msumba nja ndi chiwowota vithwazuwa.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Yeremiya 52:6

Pa zuŵa la chinkhonde ndi ghanayi la mwezi wa chinayi chilala chenga chikuru mu msumba, ndipo mwengavi kurgha kwa ŵanthu mu charu.

Yeremiya 38:2

“Viyo atiti Ambuya, Yo wakajanga mu msumba uwu wakabayikanga ndi lipanga, chilala, ndi chideru; kweni mweniyo wakarutanga ku ŵaKaldiya wakajanga wamoyo; wakajanga ndi umoyo wake nge ndi mphoto ya nkhondo ndi kuja wamoyo.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Ezekiele 5:10

Mu chifukwa cho auskeu ŵakarghanga ŵana ŵawo mukati mwinu, ndipo ŵana ŵakarghanga auskeu; ndikaŵikanga cheruzgu paku imwe, ndipo we yose wakujapo mwaku imwe ndikamdikiskiyanga ku mphepo zose.

Yeremiya 39:2

pa zuŵa la chinkhonde ndi chinayi, mu mwezi wa chinayi, mu chirimika cha chumi ndi chimoza muzi ungupankhuka.

Yeremiya 37:21

Viyo karonga Zedekiya wangurangura, kuti ŵamuŵike Yeremiya mu bwalo la nyumba ya ukaidi; ndipo chimbanduka cha chingwa chiperekeke kwaku iyo zuŵa ndi zuŵa chakutuliya ka mseu wa ŵakubika, mpaka chingwa chose cha mu msumba chimari. Viyo Yeremiya wanguja mu bwalo la nyumba ya ukaidi.

2 ŴaKaronga 6:24

Pavuli Benihadadi karonga ŵaSiriya ŵanguwunjika liŵanja lose la nkhondo, ndipo wangukweriyako ndi wanguzinga Samaria.

2 ŴaKaronga 6:25

Ndipo mwenga chilala chikuru mu Samaria penipo wanguwuzinga, mpaka penipo mutu wa mbunda wasaskikanga pa mashekelo machumi ghankhonde ndi ghatatu gha siliva, ndipo chigaŵa chimoza cha vinayi cha mweso wa matongolo gha nkhunda chasaskikanga pa mashekelo ghankhonde gha siliva.

2 ŴaKaronga 25:2

Viyo msumba ungujarizgika mpaka chirimika cha chumi ndi chimoza cha karonga Zedekiya.

Yesaya 3:1

Pakuti, ehe, Ambuya, Ambuya ŵa maŵamja, atuzgamo mu Yerusalemu ndi mwaku Yuda nchilikiliro ndi ndodo, nchilikiliro yose ya chiŵande ndi nchilikiliro yose ya maji,

Yeremiya 19:9

Ndipo ndikaŵarghiskanga nyama ya ŵana ŵawo ŵanthurumi ndi ŵana ŵawo ŵanthukazi, yose wakarghanga nyama ya mwanasi wake mu kuzingizgika ndi mu suzgu yo ŵakupindikana ŵawo ndi ŵeniwo ŵapenja kuŵabaya ŵaŵasuzgenge nayo.’