2 ŴaKaronga 24:7 - Tonga Bible 1986

⁷ Ndipo karonga wa Egipiti wengavi kuza so kutuwa ku charu chake, pakuti karonga wa Babiloni wanguto vyose vyo vyenga vya karonga wa Egipiti kwamba ku kamsinje ka Egipiti kufika ku msinji wa Efrate.

2 ŴaKaronga 24:7 ပူးပေါင်းရင်းမြစ်များ

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

Yesaya 27:12

Mu zuŵa liya kwamba ku msinji Efrate kwachifika ku kamsinji kaku Egipiti Ambuya akapwanthanga trigu, ndipo mukaunjikikanga yumoza yumoza, mwa ŵanthu mwe waku Yisraele.

Yeremiya 46:2

Ndi ghakunena ndi Egipiti, gha pa wumba wa ŵankhondo ŵaku Farao Neko, karonga wa Egipiti, ŵeniwo wenga pa msinji Efrate pa Karchemishi ndi ŵeniwo Nebukadanezara karonga wa Babiloni wanguthereska mu chirimika cha chinayi chaku Yehoyakimu mwana waku Josiya, karonga waku Yuda:

Yeremiya 46:6

Ŵapusu kuchimbiya kuti ŵangathaŵa cha; chingana ndi ngwazi kupozomoka ng'o; ku nkhonde pa msinji wa Efrate ŵaguŵa ndi ŵawa.

Ezekiele 30:21

“Mwana wa munthu, ndafyo janja laku Farao karonga wa Egipiti; sono awona, kuti lamangika cha mwakuti lipo, kulimanga ndi bandeje, alinga kuti liŵi lanthazi pakuko lipanga.

Ezekiele 30:22

Chifukwa cho atiti Ambuya Chiuta: Awona, ndimikana ndi Farao, karonga wa Egipiti, ndikaphwanyanga manja ghake ghose ghaŵi, lanthazi ndiliya lakufyoka kali; ndipo ndiwiskiyenge pasi lipanga la mujanja lake.

Maŵerengedu 34:5

mphaka yikanyongokanga kutuwa ku Azamono mpaka ku msinji waku Egipiti, umari wake yamugota ku nyanja.

Yoswa 15:4

kujumpha mpaka ku Azmono, kurutiliya kwenda mu msinji wa Egipiti, mpaka yimariya pa nyanja. Iyi yikaŵanga mphaka yinu ku malaŵi.